بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى

قىسقى بالىق اۋلاۋ مەرەكەسىندە ۇلتتىق قولونەر بۇيىمدار جارمەنكەسى وزگەشەلىك بايقاتتى

2013.01.21 10:50   كەلۋ قاينارى : حالىق تورابى



  سەرىك يمانقان ۇلى حابارلايدى. بۋرىلتوعاي اۋدانىنىڭ 8-كەزەكتى قىسقى بالىق اۋلاۋ مادەنيەت ساياحات مەرەكەسى جاقىندا ۇلىڭگىر كولىنىڭ جاعاسىندا سالتاناتتى ءوتتى.

  وسى دۋماندى مەرەكەدە بارشا جەلەكتىلەردىڭ ساياحات ەستەلىك بۇيىمدارىن جاساۋ جاعىنداعى شەبەرلىكتەرىن تولىق ساۋلەلەندىرىپ، قالا-قالاشىقتاعى جۇمىستان بوساپ كاسىپسىز قالعان ايەلدەردىڭ ءوز كۇشىنە سۇيەنىپ الۋەتتەنۋىنە، باتىلدىقپەن تىڭ كاسىپ جولىن جاراتۋىنا كوبىرەك دەم بەرىپ، ەگىن-مال شارۋاشىلىق وڭىرىندەگى ايەلدەردىڭ كىرىسىن ارتتىرىپ، اۋقاتتانۋعا باستاۋعا جەتەكشىلىك ەتۋ ءۇشىن، بۋرىلتوعاي اۋداندىق ايەلدەر بىرلەستىگى قىسقى بالىق اۋلاۋ مەرەكەسىن وراي ەتىپ، «كوركەم بۋرىلتوعاي، سىمباتتى ايەل» تاقىرىبنداعى ۇلتتىق عۇرىپ-ادەتتى دارىپتەگەن قولونەر بۇيىمدارى جارمەنكەسىن وتكىزدى.

  وسى رەتكى جارمەنكەدە ايەلدەر بىرلەستىگى بەس كيىز ءۇيدىڭ ىشىنە جانە مۇزدان جاسالعان ۇيگە قازاقى كيىم-كەشەك، كەستەلى بۇيىمدار، قولونەر بۇيىمدارى، كانۋا كەستە، قولمەن توقىلعان بۇيىمدار قاتارلى 3000نان استام قولونەر ساياحات ەستەلىك بۇيىمدارىن قويدى.

  الىس-جۋىقتان كەلگەن ساياحاتشىلار ەستەلىك بۇيىمدارىن ساتىپ الۋمەن بىرگە، قازاقتىڭ كيىز ءۇي مودەلى، كيىم-كەشەگى، ءتۇس كيىزدەرىنە تاڭ-تاماشا بولدى. ىشكى ولكەلەردەن كەلگەن ساياحاتشىلار قازاق ۇلتىنىڭ كيىم-كەشەكتەرىن كيىپ كورىپ، كيىز ءۇي، ءتۇس كيىز الدىنا رەسىمگە ءتۇسپ ەستەلىك قالدىردى.

  سول كۇنگى قىسقى بالىق اۋلاۋ مەرەكەسىندە قولمەن جاسالعان ساياحات ەستەلىك بۇيىمدارى ويداعىداي ساتىلۋىمەن بىرگە، ساياحاتشىلار دا جەرگىلىكتى ورىنداعى ۇلتتاردىڭ عۇرىپ-ادەتىن ازدى-كوپتى ءتۇسىنىپ، تەرەڭ اسەرگە يە بولدى. سۋرەتتە: جارمەنكەدەگى ۇلتتىق ءتۇس العان قولونەر بۇيىمدارى

  كەلۋ قاينارى: حالىق تورابى

【1】 【2】 
جاۋاپتى رەداكتورى : نۇرعيسا قۇرمانجان ۇلى

 سۋرەت