2-اقپان تۇستەن بۇرىنعى ساعات 8دەن 11 مولشەرىندە، گۇيجوۋ ولكەسى سۇڭجياڭ اۋدانى گۋپيڭ اۋىلىنىڭ ماڭىندا اۋىر قاتىناس شىرعالاڭى تۋىلدى، 34 ادام سالعان ورتاشا تۇرپاتتى اۆتوكولىك ءجۇز نەشە مەترلىك جاردان قۇلاپ، 13 ادام ءولىپ، 11 ادام اۋىر دارەجەدە، 10 ادام جەڭىل جارالانعان. سۇڭجياڭ اۋداندىق قوعام حاۋىپسىزدىگى حالىق ساقشىلارى، ءورت ءوشىرۋشى اسكەرلەر حابار العاننان كەيىن، دەر كەزىندە ناق مايدانعا بارىپ قۇتقارۋ قىزمەتتەرىن ىستەدى، ساعات 11دەن 15 وتكەندە، جارلانعاندار قۇتقارىلىپ، قازا بولعانداردىڭ ءمايىتى تۇگەلىمەن تابىلدى. قاتىناس تاراۋلارى ورتاشا تيپتەگى بۇل اۆتوكولىككە 19 ادام عانا وتىرۋعا بولاتىنىن، بۇل رەتكى ۋاقيعانىڭ ادامدى شەكتەن تىس كوپ وتىرعىزعاندىقتان تۋىلعانىن ايتقان. قازىر، شىرعالاڭنىڭ تۋىلۋ سەبەبى ىشكەرىلەي تەكسەرىلۋدە، سونىمەن بىرگە سوڭعى جۇمىستارىن ءبىرجاقتىلى ەتۋ قىزمەتى دە ىستەلۋدە.
كەلۋ قاينارى: حالىق تورابى