بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى>>ارناۋلى تاقىرىپ>>2013-جىلعى ەكى ءماجىلىس>>سۋرەتتى حابار

رايحانگۇلدىڭ جۇڭگو ارمانى

2013.03.08 17:30   كەلۋ قاينارى : حالىق تورابى



  قىسقاشا تۇسىنىك

  بۇكىل مەملەكەتتىك حالىق قۇرىلتايىنىڭ ەندى عانا 24 جاسقا شىققان ۋاكىلى، قاراپايىم ديقان سەمياسىنان سىرتقا شىعىپ جۇمىس ىستەگەن قىز، ءوزىنىڭ قۇلشىنۋىنىڭ ارقاسىندا قىستاققا كوشە شىراعىن ورناتىپ بەرگەن، ۋنيۆەرسيتەت وقۋ ارمانىن جۇزەگە اسىرعان، ەندىگى تىڭ ارمانى ماي وندىرەتىن زاۆود قۇرۋ. مىنە، بۇل قىز-رايحانگۇل يمير. ءسىز وسى ادەمى دە ەڭبەكشىل ۇيعۇر قىزىمەن تانىسقىڭىز كەلە مە؟ شينجياڭنىڭ اقتاۋ اۋدانىن بىلگىڭىز كەلە مە؟ وندا، ءسىز تومەندەگى ميكرو سۇحپاتىنا ۇڭىلىڭىز.

  سۇحپات مازمۇنى:

  سۇراق: سىزشە، ءسىزدىڭ تابىسقا جەتۋىڭىزدى قولداعان فاكتور قايسىلار؟

  جاۋاپ: مەنىڭشە، ەڭ ماڭىزدىسى ءوزىم ىستەگىم كەلگەن جۇمىستارعا بولعان سەنىمدىلىگىم، ءوزىمنىڭ قۇلشىنۋىم ارقىلى كوزدەگەن نىسانالارىمدى ءبىر-بىردەن ورىندايمىن.

  سۇراق: ءسىز شينجياڭداعى قاراپايىم ديقان سەمياسىنان شىققان قىز بولعاندىعىڭىز ءۇشىن، ءسىز شينجياڭ اۋىل-قىستاعىندا ەڭ كەمشىل بولىپ وتىرعان نارسە نە دەپ بىلەسىز؟

  جاۋاپ: مەن بارلىق ديقان سەمياسىنداعى قىزدارعا ۋاكىلدىك ەتە المايمىن، مەن ءوزىمنىڭ تۋعان جەرىمدى ايتا كەتەيىن، قازىر ءبىزدىڭ اۋداندا ەڭ كەمشىل بولىپ وتىرعان نارسە ونەر-بىلىمگە تاربيەلەۋ كۋرسىسى، تاعى دا كولەمدەندىرىلگەن كاسىپورىندار.

  سۇراق: ءسىز 24 جاسىڭىزدا بۇكىل مەملەكەتتىك حالىق قۇرىلتايىنىڭ ۋاكىلى بولدىڭىز، 90-جىلدان كەيىن تۋىلعاندارعا ۋاكىلدىك ەتەسىز ءارى شينجياڭنىڭ ماقتانىشىسىز. مۇنى ءوزىڭىز ماقتانىش سەزىنەسىز بە؟ ۋاكىل بولعاننان كەيىن قانداي سەزىمدە بولعانىڭىزدى ايتا كەتەسىزبە؟ ءسىز قايتكەندە حالىق قۇرىلتايىنىڭ تولىمدى ۋاكىلى بولا الامىن دەگەندى ويلاپ كوردىڭىز بە؟ ۇكىمەت ىسىنە قالاي قاتىسىپ، قالاي كەڭەس بەرمەكشىسىز؟ حالىق ءۇشىن نەلەردى ايتپاقشىسىز؟ بۇدان بىلاي نەندەي ويلارىڭىز جانە ماقساتىڭىز بار؟

  جاۋاپ: مەن ۋاكىل بولعانىما قاتتى قۋانىشتامىن. ەستۋىمشە، حالىق قۇرىلتايىنىڭ ۋاكىلى بولعان ادام تۋعان اۋىلىنداعى حالقى ءۇشىن كوپتەگەن ماسەلەنى شەشىپ بەرە الادى،-دەيدى. مەن ەندى عانا سايلانعان ۋاكىلمىن، بۇل جاعىندا ءالى دە كوپتەگەن نارسەلەردى ۇيرەنۋىم كەرەك.

  سۇراق: ءسىز 80-، 90-جىلداردان كەيىن تۋىلعان بىزدەردىڭ ۇيرەنۋ ۇلگىمىزسىز! قازىرگىءبىز سياقتى جاستاردا ەڭ كەمشىل بولىپ وتىرعانى بايىپتىلىق، سىزشە، قايتكەندە ءبىر ءىستى ويداعىداي تىندىرىپ ىستەۋگە بولادى، قايتكەندە بايىپتى مىنەزدى سومداي الامىز؟ راحىمەت!

  جاۋاپ: اۋىلداسىمدى كورىپ قاتتى قۋانىپ تۇرمىن، ءارقانداي جۇمىس ىستەگەندە، ماقسات بولۋ، سەنىم بولۋ، تولىق دايىندالۋ كەرەك، بايىپتىلىق وتە قاجەتتى، ويتكەنى ومىردە ساتسىزدىككە ۇشىراۋ جايتى ۇنەمى بولىپ تۇرادى، تەك جۇمىستى بايىپتىلىقپەن جالعاستىرعاندا عانا، ويلاعان ماقساتقا ءسوزسىز جەتۋگە بولادى.

  سۇراق: جاس قىز بالا كاسىپ جاراتۋ بارىسىندا، كوپتەگەن قيىنشىلققا كەزىگەدى، تابىسقا جەتۋدە تەك جۇرەكتىلىككە سۇيەنۋ جەتكىلىكتى بولماس! ءسىز جەكە قۇلشىنۋ مەن ورايدىڭ قاتىناسىنا قالاي قارايسىز؟

  جاۋاپ: ورايدى مىقتى يگەرىپ، كۇش سالا قۇلشىنۋ كەرەك.

  سۇراق: سىرتقا شىعىپ جۇمىس ىستەگەن كەزىڭىزدە كەزىككەن ەڭ زور قيىنشىلىق قايسىلار؟ باسقا جەرلەرگە وقۋعا بارعان كوپتەگەن مۇسىلمان دوستارىمىز تاماق پەن تۇرمىس ورتاسىنداعى ەرەكشە پارىق ماسەلەسىن جەڭۋ وڭاي ەمەس دەسەدى، ءسىز بۇل ماسەلەلەردى قالاي شەشتىڭىز، قالاي جەڭدىڭىز؟

  جاۋاپ: العاشقى كەزدە كوپتەگەن قيىنشىلىقتار بولعان، بۇل قيىنشىلىقتار ۇلكەن قيىنشىلىق ەسەپتەلمەيدى.

  سۇراق: ءسىز 80-، 90-جىلدارى تۋىلعان بولا تۇرىپ، قالايشا كەمەلدى وقۋ ورايىنا يە بولا الماعانسىز؟ ءسىز كاسىپتىك وقۋ-اعارتۋعا قالاي قارايسىز؟

  جاۋاپ: سەبەبى وتباسىمىزدىڭ ەكونوميكالىق جاعدايى جاقسى بولماعاندىقتان، جالعاستى وقي المادىم، امالسىزدان وقۋدان قول ۇزدىم. تەك ۇناتساڭىز، نە ۇيرەنسەڭىزدە بولادى، ءبىر ونەردى ارتىق ۇيرەنگەنىڭىز كوپتىك ەتپەيدى.

  سۇراق: ءسىز،بايىبىنا بارا الماعان، سامارقاۋلىققا سالىنعان كەزىڭىزدە، ءوزىڭىزدى قالاي جونگە سالىپ وتىردىڭىز؟

  جاۋاپ: جاق كىرىسىن اشپايمىن، ادام جوق كەزدە، وڭتايلى جەر تاۋىپ كەلىستىرىپ ءبىر جىلاپ الامىن.

  سۇراق: ماي ءوندىرۋ زاۋۆادىن قۇرۋ، جەرگىلىكتى ەڭبەك كۇشتەردى ءبىر جەرگە شوعىرلاندىرۋ ءۇشىن بە؟ وندا باۋىرلاستارىڭىزدى ەرتىپ الىسقا جۇمىس ىزدەپ بارمايسىزدار عوي، وندا، ۇزاق بولاشاقتىق جوسپارىڭىز بارما؟

  جاۋاپ: دۇرىس ايتاسىز، جوسپارىم ــ اتا-اناسىنىڭ قاسىندا تۇراتىن باۋىرلاستارىما جۇمىس ورايىن جاراتىپ بەرۋ.

  سۇراق: سىرتقا شىعىپ جۇمىس ىستەۋدەن بۇرىن كوڭىلىڭىزدە قورقىنىش بولدى ما؟

  جاۋاپ: قورقىنىش بولعان، ءبىراق ۇكىمەت ۇيىمداستىرىپ اپارعاندىقتان، ونشا قورقىپ كەتپەدىم.

  سۇراق: بۇل جولعى ماجىلىستە، ءسىز قانداي ماسەلەگە نازار اۋداردىڭىز؟

  جاۋاپ: مەن شالعاي شەكارا رايوندارداعى ونەر-بىلىمگە تاربيەلەۋ كۋرسىسىنە، جۇمىسقا ورنالاسۋ مەن قايتالاي جۇمىسقا ورنالاسۋ ماسەلەسىنە ەرەكشە كوڭىل ءبولىپ وتىرمىن.

  سۇراق: ءسىزدىڭ تىڭ ارمانىڭىز ماي وندىرەتىن ءبىر زاۋۆاد قۇرۋ ەكەن، نەلىكتەن ماي زاۋۆادىن قۇرۋ بەكىمىنە كەلدىڭىز؟ قاي جەردەن قۇرماقشىسىز؟

  جاۋاپ: ويتكەنى ءبىزدىڭ رايون جارتىلاي ديقانشىلىق، جارتىلاي مال شارۋاشىلىق رايونىنا جاتادى، ماي وندىرەتىن زاۋۆاد قۇرۋعا كوپ قارجى كەتپەيدى، مەن الدىمەن قاراپايىم جۇمىستان باستاعىم كەلەدى، اقىرىن-اقىرىن ءبارى دە بولادى.

  سۇراق: ارمانىڭىزدى شىنىندا ىسكە اسىرا الاسىزبا؟

  جاۋاپ: تەك سەنىم كامىل بولىپ، قۇلشىنا ىستەسە، ارينە، ىسكە اسىرۋعا بولادى!

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : مۇحيت امانتاي ۇلى

 سۋرەت

  • شينحۋا اگەنتتىگىنىڭ ءتىلشىسى راۋ راۋ فوتوسى