بىيجيڭدە قازاق مادەنيەتىنەن كورمە وتكىزىلدى

2013.03.20 16:20   كەلۋ قاينارى : حالىق تورابى

　　قازاقتىڭ ۇلتتىق قولونەر بۇيىمدارى مەن ءان-ءبيىن بىيجيڭ تۇرعىندارى تاماشالادى! كوكتەمگى كۇنمەن-ءتۇننىڭ تەڭەلۋىنە بايلانىستى بىيجيڭ قالاسى چاۋياڭ رايونى ۇيىمداستىرعان مادەني قيمىل اياسىندا، ناۋرىز مەرەكەسىنە وراي، قازاقتىڭ ۇلتتىق مادەنيەت جانە ۇلتتىق ونىمدەر كورمەسى 20-ناۋرىزدا اشىلدى. قيمىلدىڭ اشىلۋ سالتىندا قويىلعان كونسەرتتە قازاقتىڭ ءبيشى ۇل-قىزدارى «قارا جورعا» بيىمەن قيمىلدىڭ سالتاناتىن اسىردى. ۇيىمداستىرۋشىلاردان اتالعان قيمىلدىڭ ءۇش كۇنگە جالعاسىپ، ەڭ سوڭعى كۇنگى قيمىلدا ىلە قازاق اۆتونوميالى وبلىسىنان كەلگەن ونەرپازداردىڭ ناۋرىز مەرەكەسىنە ارناپ كونسەرت قوياتىنىن ۇعىستىق. قيمىل بىيجيڭ قالاسى چاۋياڭ رايونى رىتان باقشاسىندا وتكىزىلۋدە. اتالعان يگى شارانىڭ بۇگە-شىگەسىن الداعى جەردە تورابىمىزدان وقيسىزدار.

　　كەلۋ قاينارى: حالىق تورابى