حالىق تورابىنىڭ شياڭگاڭ شەكتى جاۋاپكەرشىلىك سەرىكتىگى رەسمي قۇرىلدى

2013.03.21 15:20   كەلۋ قاينارى : حالىق تورابى

　　حالىق تورابىنىڭ شياڭگاڭ شەكتى جاۋاپكەرشىلىك سەرىكتىگى رەسمي قۇرىلعاندىعىن قۇتتىقتاۋ قوناعاسى 19-ناۋرىز شياڭگاڭداعى حاي-ي-جۇنجو قوناق سارايىندا وتكىزىلدى. (ماي رۇنتيان فوتوسى)

　　حالىق تورابىنىڭ ءتىلشىسى ساۋ حايياڭنىڭ 20-ناۋرىزدا شياڭگاڭنان بەرگەن حابارى. حالىق تورابىنىڭ شياڭگاڭ شەكتى جاۋاپكەرشىلىك سەرىكتىگىنىڭ شاڭىراق كوتەرۋ سالتى 19-ناۋرىز شياڭگاڭداعى حاي-ي-جۇنجو قوناق سارايىندا وتكىزىلدى. حالىق تورابىنىڭ باس مەڭگەرۋشىسى، باس رەداكتور لياۋ حۇڭ قۇتتىقتاۋ سوزىندە حالىق تورابىنىڭ شياڭگاڭدا بالا سەرىكتىك قۇرۋى حالىق تورابىنىڭ جاھاندانعان ستراتەگيالىق قۇرىلىمىنداعى ماڭىزدى بۋىن بولىپ، حالىق تورابىن «كوپ ءتىلدى، تولىق مەديالى، جاھاندانعان، تۇگەل قامتىعان» حالىقاراداعى الدىڭعى قاتارداعى توراپ بەكەتى ەتىپ قۇرىپ شىعۋداعى ماڭىزدى قيمىل سانالادى دەدى.

　　حالىق تورابى 1997-جىلى 1-قاڭتاردا قۇرىلعان، ونى دۇنيەدەگى 10 ءىرى گازەتتىڭ ءبىرى «حالىق گازەتى» قۇرعان، احباراتتى نەگىز ەتىپ، توراپتا حابار-ۇشار اۋىستىراتىن ءىرى تەكشە، سونداي-اق حالىقارالىق ينتەر تورابىنداعى ەڭ كولەمدى جالپىلىق توراپتىق مەديالاردىڭ ءبىرى، حالىق تورابىنىڭ ىشكەرىدە 29 بولىمشە سەرىكتىگى بار، توراپتاستارى دۇنيە جۇزىندەگى 200 نەشە ەل مەن رايونعا تارالعان، جەر شارىنا ءار كۇنى 15 تىلدە، 16 ءتۇرلى فورماتپەن، 24 ساعات توقتاۋسىز حابار تاراتادى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى