بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى>>مادەنيەت

انمەن كۇيدىڭ شاشۋىن كوپكە جايعان، شاتتىعى ەستى ناۋرىزدىڭ كوكتوعايدان

2013.03.26 16:34   كەلۋ قاينارى : حالىق تورابى



  مۇقامادي ءشارىپ ۇلى مەن مەيىربەك احاتبەك ۇلى حابارلايدى. قىتمىر قىستىڭ ىزعارى كەتىپ، شۋاقتى كوكتەمنىڭ حابارى جەتكەن، كۇن مەن ءتۇن تەڭەلىپ، بار تىرشىلىك قايتا قۇلپىرعان، ءار ۇلت حالقى پارتيانىڭ ىستىق مەيىرىنە بولەنگەن، قيقۋلاپ قۇس جەتىپ، ادامداردىڭ اۋزى اققا ءتيىپ، جەر ۇستىنە شاتتىق ورناپ، جەر ارقاسى كەڭىپ، كۇللى تىرشىلىك الەمى قايتا تۇلەگەن ساليقالى ساتتە كوكتوعاي اۋدانى 17-ناۋرىز تۇستەن كەيىن اۋداندىق ءماجىلىس ورتالىعىندا حالقىمىزدىڭ ءداستۇرلى مەرەكەسى ناۋرىز شاتتىعىن تويلاپ، اۋداننىڭ كوركەمونەر ۇيرمەسى مەن اۋىل ونەرپازدارى كوڭىلدى كونسەرت نومەرلەرىن قويدى.

  وسى رەتكى كونسەرتكە اۋدانىنىڭ ءتورت باسشىلىق القاسى، پەنسياعا شىققان قارت كادرلار، اۋداننىڭ قوعامدىق ىستەرى ءۇشىن ەسەلى ءۇشىن ەسەلى ۇلەس قوسىپ جاتقانءوندىرىستىڭ ءبىرىنشى شەبىندەگى جۇمسشى-قىزمەتكەرلەر، ەگىنشى-مالشىلار، كوكتوعاي اۋدانىندا تۇراتىن اسكەري ورىننىڭ كوماندير-جاۋىنگەرلەرى، قوعام حاۋىپسىزدىك كادر-ساقشىلارى جانە بۇقارا بولىپ 500دەن اسا ادام قاتىناستى.

  ايعا جۋىق دايىندالعان ناۋرىز كونسەرتىندە اۋىل-قالاشىقتاعى ەگىنشى-مالشى ونەرپازدار، ولكە جانە مەملەكەت دارەجەلى ساحنالاردا سان سايسقا ءتۇسپ جۇرگەن ونەر اۋەسكەرلەرىنىڭ بوي كورسەتۋى كونسەرتتىڭ مەرەيىن ونان ارى اسىرا ءتۇستى، بۇل كونسەرتتىڭ وتكەندەگىدەن وزگەشەلىگى اۋداندىق كوركومەنەر ۇيىرمەسىندەگى ارتيستەر بولسىن، اۋىلدان كەلگەن ونەر اۋەسكەرلەرى بولسىن حالىق اراسىندا ۇمىت بولىپ بارا جاتقان قازىنالى حالىق اندەرىن ورىنداپ، حالىقپەن قايتا جۇزدەستىرۋمەن قاتار، جاڭا تۋىندىلاردى دا تارتۋ ەتتى، تۇرعىن اۋىلى داينداعان «جاڭا قونىس» كومەدياسى اۋداننىڭ اتقارىپ وتىرعان حالىققا ءتيىمدى ساياساتتارىن تىلگە تيەك ەتىپ، ەزۋ جيعىزباس تارتىمدىلىعى ارقىلى كورەرمەندەردى كۇلكىگە بولەپ، كونسەرتتى ءوز مارەسىنە جەتكىزدى.

  وسى رەتكى اۋداننىڭ ناۋرىز كونسەرتىنەن كوز ايىم بولعان دەمالىسقا شىققان قارت ورازموللا تىلشىگە: «پارتيامىزدىڭ ۇلتتىق سالت-سانانى جاڭعىرتۋ، ۇلتتىق كوركەمونەردى اسقاقتاتىپ، بەيزاتتىق مادەني مۇرالاردى قورعاۋ سىندى تاماشا ساياساتىنىڭ ارقاسىندا وسى ءداستۇرلى مەرەكەمىز-ناۋرىز مەرەكەمىز جىل سايىن ءسانىمەن، مانىمەن تويلانىپ كەلەدى. اۋدانىمىزدىڭ ءۇش وركەنيەت قۇرىلىسىندا جالعاستى سۇبەلى ناتيجە جاراتاتىندىعىمىزعا سەنىمىمىز كامىل»،-دەدى.

  اۋداننىڭ وسى رەتكى ناۋرىز ساۋىق كەشىندە ورىندالعان تارتىمدى كونسەرت نومەرلەرى كورەرمەندەردىڭ قۇلاق قۇرىشىن، كوز مەيىرىن قاندىرىپ، كەنىشتى مەكەن كوكتوعايداعى ءار ۇلت حالقىنىڭ قول ۇستاسىپ العا باساتىن، جاپپاي دوڭگەلەك داۋلەتتى قوعام قۇرۋ نىساناسىن ورىنداۋعا ورتاق قۇلشىناتىن، باياشاتتى دا ىنتىماقتى، تىنىستى تىرلىگىن ايشىقتى بەينەلەپ بەردى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
جاۋاپتى رەداكتورى : نۇرعيسا قۇرمانجان ۇلى

 سۋرەت