بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ۇكىمەت قىزمەتىنەن بايانداما(2)

2013.04.01 16:36    

  ەكىنشى، شارۋاشىلىق قۇرىلىمىن رەتكە سالۋ تەزدەتىلىپ، ەكونوميكالىق دامۋدىڭ ساپاسى مەن تيىمدىلىگى جوعارىلاتىلدى. ىشكى سۇرانىمدى ۇلعايتۋ ستراتەگياسىنا تاباندى بولدىق، ىشكى سۇرانىمنىڭ ەكونوميكانىڭ ارتۋىنا قوسقان ۇلەسى كورنەكتى جوعارىلادى، ۇنەمىلىك نىسانداردىڭ وڭ بالانىسى ەلىمىزدىڭ ىشكى ءوندىرىس جالپى قۇنىنىڭ ارا سالماعى %10.1تەن %2.6كە ءتۇستى. تۇرعىنداردىڭ تۇتىنۋ قۇرىلىمىنىڭ دارەجەسى تەز جوعارىلادى. 2012 - جىلدىڭ سوڭىندا قالا - قالاشىقتار مەن اۋىل - قىستاقتا ادام باسىنا ورتاشا ەسەپپەن 9. 32، 37.1 شارشى مەتردەن ءۇي تۋرا كەلدى، بۇل 2007 - جىلعىدان جەكە - جەكە 2.8 جانە 5.5 شارشى مەتر كوبەيدى؛ قالا - قالاشىق تۇرعىندارىنىڭ ءار 100 وتباسىندا 21.5 اۆتوموبيل بار بولىپ، بۇل 2007 - جىلعىدان 15.5اۆتوموبيل كوبەيدى؛ ساياحاتتىق، مادەنيەتتىك تۇتىنۋ بارىنشا ارتتى. جۇڭگوشا سوتسياليزمنىڭ جاڭاشا ونەركاسىپتەنۋ جولىمەن جۇرۋگە تاباندى بولىپ، شارۋاشىلىق تيپىن جاڭالاپ، دارەجەسىن جوعارىلاتۋ بارىنشا ىلگەرىلەتىلدى. ەلىمىزدىڭ جاساۋ كاسىبىنىڭ كولەمى دۇنيە جۇزىندە ءبىرىنشى ورىنعا شىقتى، جوعارى تەحنيكالى جاساۋ كاسىبىنىڭ ارتقان قۇنى جىلىنا ورتا ەسەپپەن %13.4 ارتىپ، حالىق شارۋاشىلىعىنىڭ كەلەلى باستاۋشى، تىرەكتى شارۋاشىلىعىنا اينالدى؛ تازا ەنەرگيا، ەنەرگيا ۇنەمدەپ، ورتانى قورعاۋ، جاڭا بۋىن ينفورماتسيا تەحنيكاسى، بيولوگيالىق ءدارى - دارمەك، وزىق جابدىقتاۋ - جاساۋ قاتارلى گۇلدەنىپ كەلە جاتقان ستراتەگيالىق شارۋاشىلىقتاردىڭ دامۋى تەز بولدى .ونىمدەر ساپاسىنىڭ جالپى تۇلعالىق ورەسى ۇزدىكسىز جوعارىلادى. قىزمەت وتەۋ كاسىبىنىڭ ارتقان قۇنىنىڭ ىشكىءوندىرىس جالپى قۇنىنداعى اراسالماعى %2.7جوعارىلاپ، جۇمىستانۋعا ەڭ كوپ تارتقان شارۋاشىلىققا اينالدى. ەنەرگيا ۇنەمدەپ، لاستىڭ شىعارىلۋىن ازايتۋ جانە ورتانى قورعاۋ تىڭعىلىقتى ىلگەرىلەتىلدى. 5 جىلدا جيىنى 171 ميلليون توننا تەمىر، 78 ميلليون توننا بولات قورىتۋ، 775 ميلليون سەمەنت ءوندىرۋ قۋاتى قاتاردان قالدىرىلدى؛ قالالاردا كۇنىنە 46 ميلليون توننا لاس سۋدى ءبىرجايلى ەتەتىن قۋات تىڭنان قوسىلدى؛ ىشكى ءوندىرىس جالپى قۇنىنداعى ەنەرگيانىڭ بىرلىكتىك جۇمسالىمى %17.2 تومەندەدى، حيميالىق وتتەگىنىڭ سۇرانىمى، كۇكىرت قوس توتىعىنىڭ جالپى شىعارىلۋ مولشەرى جەكە - جەكە %17.5، %15.7 تومەندەدى. ورتا اۋاسى ساپالىق ولشەمى قايتا جاسالىپ، ۇنتاق شاڭ 2.5 PM قاتارلى باقىلاۋ - ولشەۋ كورسەتكىشتەرى قوسىلدى. تابيعي ورماندى قورعاۋ، ەگىستىككە اينالعان ورماندى قالپىنا كەلتىرۋ، قۇمايتتانۋدىڭ الدىن الۋ جانە ونى جونگە سالۋ قاتارلى ەكولوگيالىق ينجەنەريا قۇرىلىستارى ىلگەرىلەتىلىپ، 5 جىلدا جيىنى 29 ميلليون 530 مىڭ گەكتار ورمان وتىرعىزىلدى، 11 ميلليون 960 مىڭ قۇمايتتانعان، تاستاققا اينالعان جەر جوندەلدى، 246 مىڭ شارشى كيلومەتر توپىراعى شايىلعان جەر جان - جاقتىلى جوندەلدى، 180 مىڭ كيلومەتر جەر تۇزەلدى. وڭىرلىك دامۋدىڭ جالپى تۇلعالىق ستراتەگياسى ىشكەرىلەي اتقارىلدى، بۇكىل ەلدىڭ نەگىزگى تۇلعالىق فۋنكتسيالىق رايون پلانى جاريالانىپ اتقارىلدى، باتىس بولەكتى اشۋدىڭ جاڭا 10 جىلدىق جەتەكشى پىكىرى جانە ءبىرقاتار وڭىرلىك دامۋ پلاندارى جاسالدى، شيزاڭ، شينجياڭ قاتارلى جەرلەردىڭ سەكىرمەلى دامۋى جەدەلدەتىلدى، اۋىل - قىستاقتا كەدەيلەردى گۇلدەندىرۋ جولىمەن سۇيەمەلدەۋدىڭ جاڭا 10جىلدىق باعدارلاماسى جاسالىپ اتقارىلدى، كەدەيلەردى سۇيەمەلدەۋ ولشەمى 2300 يۋانعا جەتكىزىلەتىن بولادى(2010 - جىلعى تۇراقتى باعا بويىنشا)، شوعىرلى، تۇتاسقان ەرەكشە قيىنشىلىق وڭىرلەردە كەدەيلەردى سۇيەمەلدەۋدە قامال الۋ كۇشەيتىلدى. ورتا، باتىس بولەكتەر مەن شىعىس سولتۇستىك وڭىرلەردىڭ باستى دامۋ كورسەتكىشتەرىنىڭ ارتۋى بۇكىل ەلدىڭ ورتاشا دەڭگەيىنەن جوعارى بولدى، شىعىس بولەك وڭىرلەردىڭ شارۋاشىلىق تيپىن جاڭالاپ، دارەجەسىن جوعارىلاتۋ ادىمى تەزدەدى،ءتۇرلى ەرەكشەلىكتەگى،ءتيىمدى ىقپالداستى وڭىرلىك دامۋ جۇيەسى قالىپتاسىپ كەلەدى. قالا - قالاشىقتانۋ بەلسەندى، ورنىقتى ىلگەرىلەتىلىپ، 5 جىلدا اۋىل - قىستاقتان 84 ميلليون 630 مىڭ ادام قالا - قالاشىققا اۋىسىپ، قالا - قالاشىقتانۋ مولشەرى %45.9تەن %52.6كە جوعارىلاپ، قالا - اۋىل قۇرىلىمىندا تاريحي وزگەرىس جارىققا شىقتى.قالا، اۋىلدىڭ وڭىرلەردىڭ دامۋ سايكەسىمدىلىگى كورنەكتى كۇشەيدى.

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.