- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتىنەن بايانداما(9)
2013.04.01 16:36
ۋاكىلدەر!
5جىلدان بەرى، ۇلتتىق تەرريتوريالىق اۆتونوميا زاڭىن دايەكتىلەندىردىك، از ۇلتتاردىڭ جانە ۇلتتىق رايونداردىڭ دامۋىنا قولداۋ كورسەتۋ جونىندەگى ساياساتتىق جۇيە اناعۇرلىم كەمەلدەنىپ، ۇلتتار ىنتىماعى، العاباسارلىعى ىستەرىندە جالىندى ومىرشەڭدىگىن كورسەتتى.
ءدىني سەنىم بوستاندىعى ساياساتى جاپپاي تياناقتاندىرىلدى، ءدىن ىستەرىن باسقارۋدى زاڭ - تۇزىمدەندىرۋ، جۇيەگە ءتۇسىرۋ ورەسى ونان ارى جوعارىلادى.
مۇھاجىرلار ىستەرى ساياساتى مۇقيات دايەكتىلەندىرىلىپ، شەتەلدەگى مۇھاجىر باۋىرلاستاردىڭ جانە ورالمانداردىڭ تۋىس - تۋعاندارىنىڭ زاڭدى ۇقىق - مۇددەسى زاڭ بويىنشا قورعالىپ، مۇھاجىر ىستەرى بايلىعىنىڭ ەرەكشە باسىمدىعى ونان ارى ساۋلەلەندىرىلدى.
قورعانىس پەن ارميا قۇرىلىسىندا جاڭا جاعداي جاراتىلدى. جۇڭگوشا اسكەري ىستەر رەفورماسىندا كەلەلى تابىستارعا قول جەتتى، ارميانىڭ توڭكەرىستەنۋ، وسىزاماندانۋ، جۇيەلىلەنۋ قۇرىلىسى سايكەستى ىلگەرىلەتىلىپ، جان - جاقتى كۇشەيتىلدى، اسكەري سوعىس دايىندىعى ۇزدىكسىز ىشكەرىلەتىلىپ، جاڭا عاسىردىڭ جاڭا كەزەڭىندەگى تاريحي بورىشىن وتەۋ قابىلەتى كورنەكتى ارتتى،ءبىر قىدىرۋ شۇعىل، قيىن، حاۋىپتى مىندەتتەر تاماشا ورىندالدى.
شياڭگاڭ، اۋمىن مەن تايۋان قىزمەتى ونان ارى كۇشەيتىلدى. شياڭگاڭ، اۋمىن گۇلدەنۋ مەن ورنىقتىلىعىن ساقتادى، ىشكى ولكەلەرمەن اۋىس - كۇيىسى، سەلبەسۋى تىڭ ورەگە جەتتى. ەكى جاعالاۋ قاتىناسىندا كەلەلى بۇرىلىس جاساۋ ىلگەرىلەتىلىپ، ەكى جاعالاۋدىڭ ءوزارا اۋە، سۋ جولى جانە پوچتا توتە قاتىناسىن ورناتۋ تولىق جۇزەگە استى، ەكى جاعالاۋدىڭ ەكونوميكالىق سەلبەستىگى جونىندەگى جۇلگەلىك كەلىسىم قول قويىپ اتقارىلىپ، ەكى جاعالاۋدىڭ جان - جاقتى بارىس - كەلىس جاساۋ جاعدايى قالىپتاسىپ، ەكى جاعالاۋ قاتىناسىندا بەيبىت دامۋداي جاڭا جاعداي جاراتىلدى.
جان - جاقتى ديپلوماتيادا كەلەلى تىڭ ىلگەرىلەۋشىلىكتەرگە قول جەتتى. ءىرى ەلدەرمەن بايلانىسىمىزدى بەلسەنە ىلگەرىلەتتىك، توڭىرەكتەگى كورشىلەس ەلدەرمەن ءوزارا تيىمدىلىك جەتكىزۋ، سەلبەسۋ قاتىناسىمىزدى كۇشەيتتىك، جۇڭگو −− شىعىس وڭتۇستىك ازيا وداعى ەلدەرى ەركىن ساۋدا رايونى ءساتتى قۇرىلدى، شاڭحاي ىنتىماقتاستىق ۇيىمى سىندى وڭىرلىك سەلبەستىك مەحانيزمىنىڭ دامۋىن ىلگەرىلەتتىك، قالىڭ دامۋ ۇستىندەگى ەلدەرمەن ءداستۇرلى دوستىقتى جانە سەلبەستىكتى تەرەڭدەتتىك، حالىقارالىق فينانس داعدارىسىنا، كليمات وزگەرىسىنە شۇعىل توتەپ بەرۋ سياقتى جەر شارىندىق ماسەلەلەر جونىندەگى حالىقارالىق سەلبەستىكتەرگە بەلسەنە قاتىناستىق، حالىقارالىق جانە وڭىرلىك داۋلى تۇيىندەر ماسەلەلەرىن شەشۋدى ىلگەرىلەتىپ، ەلىمىزدىڭ رەفورماسى، دامۋى جانە ورنىقتىلىعىءۇشىن ءتيىمدى حالىقارالىق ورتا جاراتىپ، دۇنيە ءجۇزىنىڭ بەيبىتشىلىگى، ورنىقتىلىعى، دامۋى، گۇلدەنۋى جولىندا كەلەلى ۇلەستەر قوستىق.
ۋاكىلدەر! وتكەن 5 جىلداعى تابىستار وڭايلىقپەن قولعا كەلمەدى. بۇل پارتيا ورتالىق كوميتەتىنىڭ جالپى جاعدايدى مەڭگەرىپ، دۇرىس باسشىلىق ەتۋىنىڭ، جالپى پارتيا مەن بۇكىل ەلدەگى ءار ۇلت حالقىنىڭ جۇدىرىقتاي جۇمىلىپ، قاجىرلىلىقپەن كۇرەس جاساۋىنىڭ ناتيجەسى. مەن مەملەكەتتىك كەڭەس اتىنان بۇكىل ەلدەگى جۇمىسشىلارعا، ديقاندارعا، زيالىلارعا، كادرلارعا، ازاتتىق ارميانىڭ قولباسشىلارى مەن جاۋىنگەرلەرىنە، قارۋلى ساقشى بولىمدەرىندەگى كومانديرلار مەن اسكەرلەرگە جانە قوعام حاۋىپسىزدىگى ساقشىلارىنا شىنايى العىس ايتامىن! بۇكىل ەلدەگى ءار ۇلت حالقىنا، دەموكراتيالىق پارتيا - توپتارعا، حالىقتىق ۇيىمدار مەن باسقا دا ءار سالا قايراتكەرلەرىنە شىنايى العىس ايتامىن! شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى باۋىرلاستارعا جانە تايۋاندىق باۋىرلاستارعا، سونداي - اق قالىڭ مۇھاجىر باۋىرلاستارعا شىنايى العىس ايتامىن! جۇڭگونىڭ وسىزاماندانۋ قۇرىلىسىنا كوڭىل ءبولىپ جانە ونى قولداپ كەلە جاتقان شەتەل ۇكىمەتتەرىنە، حالىقارالىق ۇيىمدارعا جانە ءار ەلدەگى دوستارعا شىنايى العىس ايتامىن!
ەكونوميكالىق، قوعامدىق دامۋ بارىسىندا قىرۋار قايشىلىقتار مەن ماسەلەلەردىڭ ءالى دەءومىرءسۇرىپ وتىرعاندىعىن دا ايقىن تانۋىمىز كەرەك. باستىلارى مىنالار: دامۋداعى بىركەلكى، سايكەستى، باياندى بولماۋ ماسەلەلەرىءالى دە كورنەكتى بولىپ وتىر؛ ەكونوميكانىڭ ارتۋى قۇلدىراۋ قىسىمى مەنءوندىرىس قۋاتىنىڭ سالىستىرمالى ارتىپ قالۋىنىڭ قايشىلىعى كۇشەيىپ كەلەدى؛ كاسىپورىنداردىڭ ءوندىرىس - تيجاراتىنىڭ وزىندىك قۇنىنىڭ جوعارىلاۋى مەن جاڭالىق جاراتۋ قابىلەتىنىڭ ءالسىز بولۋى قاتار ءومىر سۇرۋدە؛ قازىنالىق كىرىستىڭ ارتۋى باياۋلاۋ مەن ۇكىمەتتىڭ تۇراقتى شىعىسىنىڭ ارتۋى قايشىلىعى كورنەكتىلەنىپ وتىر؛ فينانس سالاسىندا كومەسكى حاۋىپ - قاتەر ءومىر ءسۇرىپ وتىر؛ شارۋاشىلىق قۇرىلىمى ۇيلەسىمسىز، اۋىل شارۋاشىلىعىنىڭ نەگىزى ءالى دە ءالسىز؛ شارۋاشىلىقتىڭ دامۋى مەن بايلىق ورتاسىنىڭ قايشىلىعى كۇننەن - كۇنگە شيەلەنىسۋدە؛ قالا - اۋىل، وڭىرلەردىڭ دامۋ پارقى جانە تۇرعىنداردىڭ كىرىس بولىسىندەگى پارىقءبىرشاما زور؛ قوعامدىق قايشىلىق كورنەكتى ارتىپ، وقۋ - اعارتۋ، جۇمىستانۋ، قوعامدىق قامتاماسىزداندىرۋ، ەمدەۋ، تۇرعىن ءۇي، ەكولوگيالىق ورتا، ازىق - تۇلىك،ءدارى - دارمەك حاۋىپسىزدىگى،ءوندىرىس حاۋىپسىزدىگى، قوعام اماندىعىن باسقارۋ سياقتى بۇقارانىڭ ءتول مۇددەسىنە ساياسىن ماسەلەلەر ءالى دە كوپ، ءىشىنارا بۇقارانىڭ تۇرمىسىندا قيىنشىلىق بار؛ عىلمي دامۋعا ورالعى بولىپ وتىرعان تۇزىلىستىك مەحانيزمدىك كەدەرگىلەر ءبىرشاما كوپ؛ ۇكىمەت فۋنكتسياسىندا بۇرىلىس جاساۋ دەرلىكتەي ەمەس، كەيبىر سالالارداعى ءىرىپ − ءشىرۋ قۇبىلىسى وڭاي، كوپتەپ تۋىلۋدا. بۇل ماسەلەلەردىڭ كەيبىرەۋى ۇزاق ۋاقىت بارىسىندا جينالىپ قالعان، كەيبىرەۋى ەكونوميكالىق، قوعامدىق دامۋ بارىسىندا جارىققا شىققان، كەيبىرەۋلەرى ۇكىمەت قىزمەتىندەگى كەمشىلىكتەر مەن ولقىلىقتاردىڭ سەبەبىنەن تۋىلعان. ءبىز مەملەكەت جانە حالىق الدىندا وسكەلەڭ جاۋاپتى بولۋ رۋحىمەن، قىزمەتتى اناعۇرلىم قۇلشىنا ويداعىداي ىستەپ، وسى ماسەلەلەردى تەزدەن شەشەمىز، حالىقتىڭ كۇتكەن ءۇمىتىن استە جەردە قالدىرمايمىز!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
