بوستون قوپارىلىس دەلوسىندا 3 ادام ءولىپ، 176 ادام جارالاندى

2013.04.17 15:18   كەلۋ قاينارى : حالىق تورابى

　　شينحۋا تورابىنىڭ 16-ساۋىردە ۆاشينگتوننان بەرگەن حابارى. ا ق ش جەگىلىكتى مەديالارىنىڭ 16-ساۋىردە بەرگەن ەڭ جاڭا حابارىنا قاراعاندا، بوستون قوپارىلىس ۋاقيعاسىندا قازىرگە دەيىن 3 ادام ءولىپ، 176 ادام جارالانعان، ولگەندەردىڭ ىشىندە 8 جاسقا كەلگەن ءبىر ۇل بالا، جارالانعانداردىڭ ىشىندە جۇڭگودان كەلگەن ءبىر ايەل وقۋشى بار ەكەن. قازىر ساقشىلار قوپارىلىس ۋاقيعاسىن تۋدىرعان قىلمىس كۇماندىسىن ءالى تۇراقتاندىرا الماعان.

　　بوستون ساقشى جاعىنىڭ راستاۋى بويىنشا، مارافون جارىسىنىڭ كومبە سىزىعى ماڭىندا ەكى رەت قوپارىلىس تۋىلعان، قازىرگە دەيىن باسقالاي قوپارىلىس قوندىرعىسى بايقالماعان. ا ق ش پارلامەنت مۇشەسى ۋيلليام كەتيڭنىڭ مەديالارعا ايتۋىنا قاراعاندا، مارافون كومبەسى سىزىعىنىڭ ماڭىندا ەكى بومبى جارىلعان، ەكى رەتكى قوپارىلىس بىرنەشە سيكۋنتتىڭ ىشىندە تۋىلعان، بۇل ەكى بومبى جول جيەگىندەگى قوقسىق شەلەگىنە الدىنالا قويىلعان. كەتيڭ بۇل الدىنالا جوسپارلانعان شابۋىل ەكەندىگى ايدان انىق دەدى. (ءتىلشى: ران ۋىي، سۇن حاۋ)

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى