2013-جىلى 24-ساۋىردەگى حابار. وڭتۇستىك كورەيانىڭ نەگىزگى گازەتتەرى 23-ساۋىردە ميكروسوفتتىڭ ىرگەسىن قالاۋشى بەل گاتەستىڭ سودان ءبىر كۇن بۇرىن وڭتۇستىك كورەيا زۇڭتۇڭى پياۋ جينحۇيمەن قول الىسقان سۋرەتىن جاريالادى. گاتەس پياۋ جينحۇيمەن قول الىسقان كەزدە، سول قولىن جانقالتاسىنا سالىپ شىرەنىپ تۇرعان. وڭتۇستىك كورەيا مەديالارى ونىڭ بۇل ارەكەتىن دورەكىلىك، پياۋ جينحۇيدى قۇرمەتتەمەگەندىك دەپ جازعىردى. حابارعا قاراعاندا، وڭتۇستىك كورەيادا ءبىر قولىن قالتاسىنا سالۋ ادەتتە قارسى جاقتى قۇرمەتتەمەگەندىك بولىپ ەسەپتەلەدى ەكەن. الايدا گاتەستىڭ بۇرىنعى سۋرەتتەرىن اقتارىستىرعاندا، ونىڭ بۇل ارەكەتىنىڭ ادەيى ەمەس ەكەندىگىن، گاتەس كىممەن امانداسسا دا وسىلاي ىستەيتىنىن كورۋگە بولادى.
كەلۋ قاينارى: حالىق تورابى