جاڭا ءنومىر قولدانعان العاشقى كۇنگى جۇمىستار ءتارتىپتى ءجۇرىلدى

2013.05.03 14:18   كەلۋ قاينارى : حالىق تورابى

　　ورتالىق اسكەري ىستەر كوميتەتىنىڭ ورنالاستىرۋى جانە ءتورت باس شتاپتىڭ ۇقتىرۋىنداعى تالاپتار بويىنشا، بۇكىل ارميا 1-مامىردان باستاپ جاڭا ۇلگىدەگى اسكەري اۆتوموبيل ءنومىرىن ءبىر تۇتاس قولدانادى، «2004 ۇلگىدەگى » اسكەري اۆتوموبيل ءنومىرى 30-ساۋىردەن باستاپ كۇشىنەن قالادى. بۇگىن تۇستەن بۇرىن ساعات 9 دان 35 مينۋت وتكەندە ءتىلشى بىيجيڭ قالاسى شينان دۋجياكان اقى الۋ پۋنكتىنىڭ تەكسەرۋ تۇيىنىنە كەلىپ، بىيجيڭ قالاسى ۋىيشۇي رايونىنداعى سەگىز شارلاۋشى اسكەرمەن بىرگە اسكەري اۆتوموبيلدىڭ ءنومىر اۋىستىرۋ احۋالىنا تەكسەرۋ جۇرگىزدى.

　　ءتىلشى تەكسەرۋ ارقىلى مىنالاردى بايقادى: دەمالىس كەزى بولعاندىقتان، وسى تەكسەرۋ پۋنكتىنەن جارىم ساعات ىشىندە ەكى عانا اسكەري اۆتوموبيل وتكەن، ولار جەكە-جەكە باس جابدىقتاۋ شتابىنىڭ بەلگىلى كادرلار ساناتورياسىنىڭ جانە بەلگىلى اسكەري مەكتەپتىڭ الەۋمەتتىك قىزمەت اتقارۋشى اۆتوموبيلى بولىپ، ەكى اۆتوموبيلدەگى جاڭا ءنومىر ولشەمگە لايىق، كۋالىكتەرى تولىق بولعان.

　　«ءبىز بۇگىن بىيجيڭ قالاسىنىڭ 10 نەگىزگى جوعارى قارقىندى تاس جول وتكەلدەرىنە شارلاۋ جۇرگىزىپ، ناق مايداندا كونە ءنومىردى الىپ تاستاۋعا قۋزاۋ سالىپ، دەرەۋ الماستىرۋعا بۇيىردىق!» دەدى، بىيجيڭ قالاسى ۋىيشۇي رايوندىق اسكەري قولباسشىلىق ءبولىمى ۋىيشۇي باسقارماسىنىڭ باستىعى ليۋ جىچىڭ تانىستىرا كەلىپ.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى