بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى

5-كەزەكتى پەيىل لوڭقاسىنا تالاۋ جارىسى ۇرىمجىدە ءوتتى

2013.05.09 09:37   كەلۋ قاينارى : حالىق تورابى



  حالىق تورابى قازاقشا ارناسىنىڭ بىيجيڭنەن بەرگەن حابارى. فۋتبول، الەمدەگى جانكۇيەرى ەڭ كوپ سپورت، ول ەشقانداي ۇلتقا، دىنگە، ناسىلگە قاراماستان، ادامزاتقا وزىندىك ءلازاتى مەن كوڭىلدىلىگىن باعىشتاۋدا. مىنە، سول كوڭىلدىلىكتەن، سول ءلازاتتان ءبىزدىڭ ۇلتىمىز دا ءوز ەنشىسىن الىپ كەلەدى.

  مامىردىڭ مامىرجاي كۇنىندە، 5-كەزەكتى پەيىل لوڭقاسىنا تالاۋ جارىسى كورىكتى قالا ۇرىمجىدە ءوز مارەسىنە جەتتى. پەيىل عىلىم-تەحنيكا سەرىكتىگىنىڭ باس بولۋىمەن، يگىلىك جارناما سەرىكتىگى، ۇلى تاۋ توي-دۋمان سارايى، جاس قانات كيىمدەرى، اعاجاي رەستۋرانى، شينجياڭ التىن بۇلاق كەن ونىمدەرى يمپورت-ەكسپورت سەرىكتىگى، جەتى قازىنا حالىقارالىق ساۋدا شەكتى جاۋاپكەرشىلىك سەرىكتىگى، ءۇرىمجى جاڭا اۋەن كونسەرت سەرىكتىگى، ءۇرىمجى ارلان يمپورت-ەكسپورت ساۋدا شەكتى جاۋاپكەرشىلىك سەرىكتىگى، سەن قازاق سايتى، داستارقان ماركالى قازاقي ونىمدەرى قاتارلى كاسىپورىنداردىڭ سەلبەسۋىمەن بۇل جولعى پەيىل لوڭقاسىنا تالاۋ جارىسى ءساتتى اياقتادى.

  بۇل جولعى جارىسقا، ساحارا كومانداسى، باسباي كومانداسى، اقسارباس كومانداسى، التاي كومانداسى، الاش كومانداسى، ساۋىر كومانداسى، پەيىل كومانداسى، تۇمار كومانداسى، ورەن كومانداسى، سەن قازاق كومانداسى، جەتى قازىنا كومانداسى، مۇزتاۋ كومانداسى قاتارلى جيىنى 12 كوماندا قاتىناستى. ءۇش كۇندىك قيان-كەسكى جارىستا مۇز تاۋ كومانداسى باس جۇلدەنى ەنشىلەدى، ەكىنشىلىكتى سەن قازاق كومانداسى، ۇشىنشىلىكتى ساحارا كومانداسى، تورتىنشىلىكتى جەتى قازىنا كومانداسى ەنشىلەدى.وسى جولعى جارىس ۇلتىمىزدىڭ بەرەكە بىرلىكتى، جاراسىمدى ۇلت ەكەنىن ايگىلەپ قالماستان، قازىرگى بازار شارۋاشىلىعى تۇسىندا، ءوز كۇشىنە سۇيەنىپ كاسىپ جاراتىپ، ەكونوميكالىق جاقتاعى كەنجە قالعان ولقىلىعىمىزدى تولىقتاۋعا قۇلشىنىپ جاتقانىمىزدى بىردەن اڭعارتپاق.

  سوڭىندا، وسى جولعى جارىستا قولداۋ كورسەتكەن بارلىق كاسىپورىندار مەن جانكۇيەرلەرگە شىن نيەتپەن راحىمەت ايتۋمەن بىرگە، ولاردىڭ بولاشاعىنىڭ نۇرلى بولۋىن ءارى وسىنداي جاقسىلىقتاردىڭ كوبەيە بەرۋىن تىلەيمىز.

  كەلۋ قاينارى: حالىق تورابى

  ءتىپتى دە كوپ سۋرەتتەردى مىنا ارادان كورىڭىز (1)

  ءتىپتى دە كوپ سۋرەتتەردى مىنا ارادان كورىڭىز (2)

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 
جاۋاپتى رەداكتورى : مۇحيت امانتاي ۇلى

 سۋرەت