گۋاڭشيلىق جىگىتتىڭ «كۇركەشەسىن كوتەرىپ» اۋىلىنا قاراي جولعا شىققانىنا 5 جىل بولعان

2013.05.23 14:41   كەلۋ قاينارى : حالىق تورابى

　　21-مامىر، گۋاڭشي ولكەسى ليۋجوۋ قالاسى مەملەكەتتىك 209-تاس جولدىڭ ليۋچىڭ اۋدانىنداعى بولەگىندە، ليۋ ليڭچاۋ «كۇركەشەسىن كوتەرىپ» جولدا كەلەدى.

　　كۇنگە كۇيىپ ابدەن قارايعان، اياعىنا سارى شوقاي كيگەن ليۋ ليڭچاۋ كەڭدىگى 1.5 مەتر، بيكتىگى 2.2 مەتر كەلەتىن قاراپايىم «كۇركەشەسىن» كوتەرىپ جەلە جورتىپ كەلەدى. 50 مەتر جۇرگەننەن كەيىن ول «كۇركەشەسىن» قويىپ، ارتىنا قايىرىلىپ، جول شەتىنەن مينەرال سۋدىڭ قۇمىراسىن تەرىپ، بىرنەشە داعارعا ءبولىپ سالادى دا، «كۇركەشەسىن» قايتا كوتەرىپ جالعاستى جۇرەدى، وسى ارەكەتىن جالعاستى قايتالايدى. 38 جاستاعى ليۋ ليڭچاۋ گۋاڭشي ولكەسى ليۋجوۋ قالاسى رۇڭ-ان اۋدانى تانتوۋ اۋىلىنىڭ ادامى، 20 جىلدىڭ الدىندا ول اۋىلىنان اتتانىپ گۋاڭجوۋ، شىنجىن قاتارلى جەرلەردە جۇمىس ىستەگەن. 5 جىلدىڭ الدىندا ۇيىنە قايتۋ ويىنا كەلگەن ول 60 كيلوگرامدىق سالماقتاعى قاراپايىم «كۇركەشە» جاساپ، گۋاڭدۇڭنان اتتانىپ، اتا-مەكەنىنە جولعا شىققان. جول بويى ول باسقالاردىڭ كومەگىن قابىلداماستان، جاراقسىز زاتتاردى تەرىپ ساتۋ ارقىلى جانىن باققان، ول كۇندىز «كۇركەشەسىن» كوتەرىپ ساپار شەگەدى دە، كەشتە جول شەتىنە ءۇيىن تىكتەيدى. قازىرگە دەيىن وسىنداي ۇيدەن ۇشەۋىن توزدىرعان، قازىر اۋىلىنا جەتۋىنە 20 نەشە كيلومەتر جول عانا قالعان. ءتىلشى رۇڭ-ان اۋدانى تانتوۋ اۋىلى وسىنداي ادامنىڭ راسىندا بار ەكەنىن، وتباسىنىڭ لۇڭچىڭ قىستاعىندا تۇراتىنىن ۇعىسقان. شينحۋا اگەنتتىگى (لي حانچى فوتوسى)

　　كەلۋ قاينارى: حالىق تورابى