كىنالاۋعا كوپ ۇشىراعان «جۇڭگوشا مادەنيەتسىزدىك»

2013.05.29 13:51   كەلۋ قاينارى : حالىق تورابى

　　جۋىردا ەگيپەتتەگى لۋكسور تاۋاپحاناسىنا جۇڭگولىق ساياحاتشى «بۇل اراعا ساياحاتتاپ كەلدىم» دەپ ويىپ جازعاننان كەيىن، بۇل ءىس «جۇڭگوشا مادەنيەتسىزدىك ارەكەتىن» تالقىلاۋعا مۇرىندىق بولدى، «جۇڭگوشا مادەنيەتسزدىك» كىنالاۋعا ۇشىرادى. ماڭايىمىزداعى الباتى تۇكىرۋ، ورىن تالعاماي دارەتكە وتىرۋ، اعاشقا ورمەلەپ شىعىپ سۋرەتكە ءتۇسۋ، كوگالدا ۇيىقتاۋ، حايۋاناتتار باقشاسىندا حايۋاناتتارعا سۋلياۋعا ورالعان ازىقتىقتاردى لاقتىرۋ، ەرمەك حايۋان كوتەرىپ باقشادا سەيىلدەۋ، بىلعانىش جارنامالاردى جاپسىرۋ قاتارلى مادەنيەتسىز ارەكەتتەرگە كوزىمىز ءۇيىر بولىپ كەتتى...ءتىپتى جۋىردا الەمدى اينالىپ بولىپ، شياڭگاڭداعى ۆيكتوريا شىعاناعىنا توقتاتىلعان «ۇلكەن ۇيرەككە» تەكسەرۋ جۇرگىزىلگەندە، توردوستار ۇلى قۇرىلىق ساياحاتشىسى جەل تولتىرىلعان «قۋىرشاق ۇيرەككە» تەمەكى شوعىن باسقاندىقتان قۋىرشاقتىڭ جەلى شىعىپ كەتكەن دەپ جاڭساق تۇسىنىككە يە بولعان. كەيىن «ۇلكەن ۇيرەكتى» باسقارۋشى جاق رەسمي ميكروبلوگىندا بۇل ءىس تۋرالى جاۋاپ قايتارىپ: «قۋىرشاق ۇيرەك جانكۇيەرلەرى نازار اۋدارىڭىزدار! كاۋچۇك ۇيرەكتى ءبىر ءسات دەمالتىپ، وسى ورايدا تەكسەرۋدەن وتكىزدىك، كاۋچۇك ۇيرەك تەز ارادا وزدەرىڭىزبەن قايتادان بەت كورىسەتىن بولادى»،-دەپ ءىستىڭ شىن سىرىن اداقتادى، الايدا كوڭىلدە قالعان «جۇڭگوشا مادەنيەتسىزدىك» تۋرالى كوزقاراس ءالى جويىلا قويعان جوق. «جۇڭگوشا مادەنيەتسىزدىك» جۇڭگولىقتاردىڭ جۇرەگىندەگى ماڭگىلىك كۇرمەۋى جەتپەيتىن كۇردەلى ماسەلە بولىپ قالا بەرە مە؟

　　كەلۋ قاينارى: حالىق تورابى