تۇركيا زۇڭتۇڭى گۇل مەن زۇڭلي ەردوعان 3-ماۋسىمدا جەكە-جەكە بۇكىل ەل كولەمىندە ۇكىمەتكە قارسى قىر كورسەتۋشىلەردى سابىرلى بولۋعا ۇندەدى.
گۇل 3-ماۋسىمدا انكارادا تىلشىلەرگە: «تۇركياداعى دەموكراتيالىق تەتىكتەر سىناقتاردان وتكەن، قازىرگى ساتتە سابىرلى بولۋىمىز قاجەت. تۇركيا ۇكىمەتى جاقسى نيەتپەن ايتىلعان بارلىق پىكىرلەردى ەستىپ-ءبىلىپ وتىر، شارت-جاعداي پىسىپ-جەتىلگەن كەزدە قاجەتتى شارالاردى قولعا الاتىن بولامىز»،-دەگەن.
تۇركيا زۇڭليى ەردوعان دا سول كۇنى ستامبولدا مەديالارعا ايتقان سوزىندە ۇكىمەتكە قارسى قىر كورسەتۋ ەرەۋىلىن ۇشقارى ەلەمەنتتەردىڭ ۇيىمداستىرعانىن ءبىلدىرىپ، جۇرتشىلىقتى سابىرلى بولۋعا، ۇشقارى ەلەمەنتتەردىڭ ارانداتۋىنا ىلەسپەۋگە شاقىرعان.
تۇركيا ىشكى ىستەر مينيسترى گۇلەردىڭ 3-ماۋسىمدا ايتۋىنشا، نەشە كۇننەن بەرى بۇكىل ەل كولەمىندەگى كولەمدى قارسىلىق كورسەتۋ قيمىلىندا 173 ادام جارالانىپ، 1730 ادام ۇستالعان.
كەلۋ قاينارى: حالىق تورابى
http://world.people.com.cn/n/2013/0604/c1002-21721546.html