سانجى قالاسى مورگۋ اۋىلىندا قاتىناس شىرعالاڭى تۋىلىپ، 15 ادام قازا بولىپ، 21 ادام جارالاندى

2013.06.19 11:18   كەلۋ قاينارى : حالىق تورابى

　　ءتىلشىمىز چىن ۋىيحۋا 19-ماۋسىمدا ۇرىمجىدەن حابارلايدى. ءتىلشىنىڭ 19-ماۋسىمدا سانجى قالالىق پارتكومنىڭ ۇگىت بولىمىنەن ۇعىسۋىنشا، 18-ماۋسىمدا سانجى قالاسى مورگۋ اۋىلىندا قاتىناس شىرعالاڭى تۋىلىپ، قازىرگە دەيىن 15 ادام قازا بولىپ (4 ادام شىرعالاڭ تۋىلعان جەردە قازا بولعان، 11 ادام قۇتقارۋ بارىسىندا قازا بولعان)، 21 ادام جارالانعان.

　　قازىر جارالانعان 21 ادام ءۇرىمجى، سانجى قالالارىنداعى ءىرى ەمحانالارعا جەتكىزىلىپ ەمدەلۋدە. سانجى وبلىستىق حالىق شيپاحاناسىندا 10 ادام، سانجى وبلىستىق جۇڭگوشا ەمدەۋ شيپاحاناسىندا 4 ادام (بارلىعى جەڭىل جارالانعاندار)، سانجى قالالىق 1-حالىق شيپاحاناسىندا 4 ادام (بىرەۋى اۋىر ۇشەۋى جەڭىل جارالانعان)، سانجى قالالىق 2-حالىق شيپاحاناسىندا ءبىر ادام (جەڭىل جارالانعان)، اۆتونوميالى رايوندىق اسكەري رايون باس شيپاحاناسىندا 2 ادام (بىرەۋى اۋىر بىرەۋى جەڭىل جارالانعان) ەمدەلۋدە.

　　حى جيايۇي، ما شياۋيان، چيڭ حۇڭ، ما ۋەيۋەي، چين فاڭرۇڭ، جاڭ جينحۋان، ما حايرۇڭ، جاڭ شياۋمەي، شياۋ لي، دان جىمەي قاتارلى جارالىلار وبلىستىق حالىق شيپاحاناسىندا ەمدەلۋدە؛ جاۋ جيڭ، يە شياڭيان، جوۋ جيا، لي تيانيۋە قاتارلىلار وبلىستىق جۇڭگوشا ەمدەۋ شيپاحاناسىندا ەمدەلۋدە، بۇلاردىڭ بارلىعى جەڭىل جارالانعاندار؛ جوۋ يۇڭ، شياۋيۇڭحۇڭ، ليۋ لي، جاۋ يانلي قاتارلىلار قالالىق حالىق شيپاحاناسىندا ەمدەلۋدە؛ جەڭىل جارالانعان فان شىمەي قالالىق 2-حالىق شيپاحاناسىندا ەمدەلۋدە؛ جاۋ جيانيۇڭ، لي يان ەكەۋى اسكەري رايون باس شيپاحاناسىندا ەمدەلۋدە.

　　كەلۋ قاينارى: حالىق تورابى