سانشي ولكەسى شوجوۋ قالاسىندا اسحانادا قوپارىلىس تۋىلىپ، قازىرگە دەيىن ءبىر ادام قازا بولىپ، 150دەن استام ادام جارالانعان

2013.06.20 11:29   كەلۋ قاينارى : حالىق تورابى

　　شينحۋا اگەنتتىگىنىڭ 19-ماۋسىم ساعات 20 اينالاسىندا حابارلاۋىنشا، سانشي ولكەسى شوجوۋ قالاسىندا اسحانادا قوپارىلىس تۋىلعان، العاشقى ساناققا قاراعاندا، ءبىر ادام قازا بولعان، 156 ادام جارالانىپ، ەمحاناعا جەتكىزىلگەن، مۇندا 12 ادام اۋىر دارەجەدە جارالانعان.

　　جەرگىلىكتى ورىنداعى قاتىستى تاراۋلار مەن ۋاقيعانى كوزىمەن كورگەندەردىڭ ايتۋىنشا، تابيعي گاز نەمەسە كومىر گازى قاشۋ سەبەبىنەن قوپارىلىس تۋىلعان بولۋى مۇمكىن، قوپارىلىس ەكى رەت تۋىلعان ءارى ءورت ءوشىرۋشى قىزمەتكەرلەردەن 10 نەشە ادام جارالانعان. شينحۋا اگەنتتىگىنىڭ ءتىلشىسى شىرعالاڭ تۋىلعان جەرگە بارعاندا، شىرعالاڭ تۋىلعان ەكى قاباتتىق ءۇي قۇلاپ، ورتەنە باستاعان، كومىر گازىنىڭ ءيىسى قولقانى قاپقان، ماڭىنداعى الەۋمەتتىك وڭىردەگى ۇيلەردىڭ كوبىنىڭ تەرەزەسىنىڭ اينەگى سىلكىنىستەن شاعىلعان. تۇرعىنداردىڭ ايتۋىنشا، شىرعالاڭ تۋىلعان اسحانا سىناق رەتىندە تيجارات ىستەپ جاتقان مەيمانساراي بولىپ، سول كەزدە وسى ارادان تاماقتانىپ جاتقاندار بار ەكەن.

　　ءتىلشى شىرعالاڭ تۋىلعان ورىننىڭ بىلىعىپ كەتكەنىن كورگەن، ءولىم-ءجىتىم جانە جارالانۋ احۋالى مەن شىرعالاڭنىڭ تۋىلۋ سەبەبىن جالعاستى تەكسەرۋگە تۋرا كەلەدى، سانشي ولكەسى مەن شوجوۋ قالاسىنىڭ قاتىستى باسشىلارى شىرعالاڭ تۋىلعان ورىنعا بارعان.

　　كەلۋ قاينارى: حالىق تورابى