بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى

جۇڭگو فۋتبول بىرلەستىگى مەن جۇڭگو ەرلەر فۋتبول كومانداسى 15-ماۋسىمداعى جەڭىلىس جونىندە اشىق كەشىرىم سۇرادى

2013.06.25 15:50   كەلۋ قاينارى : حالىق تورابى



  شينحۋا تورابىنىڭ تىلشىلەرى لي فاڭ، گۇڭ بيڭدەردىڭ 24-ماۋسىمدا بەيجيڭنەن بەرگەن حابارى. 24-ماۋسىم كەشتە، جۇڭگو فۋتبول بىرلەستىگى، مەملەكەتتىك دەنە تاربيە مەكەمەسىنىڭ فۋتبول باسقارۋ ءبولىمى جانە مەملەكەتتىك ەرلەر فۋتبول كومانداسى 15-ماۋسىمداعى جۇڭگو ەرلەر فۋتبول كومانداسى مەن تايلاند فۋتبول كومانداسىنىڭ قارا جارىسندا 1: 5 ۇپايمەن جەڭىلگەندىگى جونىندە اشىق كەشىرىم سۇرۋ حاتىن جولدادى، حاتتا وسى رەتكى جارىستاعى جەڭىلىستىڭ سەبەپتەرى قورتىندىلاندى ءارى كەشىرىم سۇرادى، سونىمەن بىرگە الداعى قىزمەتتەر جونىندەگى ويلارىن ءبىلدىردى.

  ءۇش پارشا كەشىرىم سۇراۋ حاتىنىڭ بارلىعىندا وسى رەتكى جەڭىلىستى «قالىپسىز، قابىلداۋعا جانە كەشىرۋگە بولمايتىن جەڭىلىس» دەپ كورسەتىلدى. جارىستا قولباسشىلىق ەتۋ، شەپ قۇرۋ سياقتى تاكتيكالىق جاقتارداعى جەتەرسىزدىكتەردەن سىرت، مايدانداعى فۋتبولشىلاردىڭ يدەياداعى كەرەناۋلىعى، رۋحاني بەينەسى، ايانباي سايىسۋ ستيلى جانە داڭق سەزىمى قاتارلى رۋحاني جىگەر جاقتارىندا دا ساقتالعان ماسەلەلەر، كوماندا باسقارۋ قىزمەتىندەگى ۇزاقتان بەرى ساقتالعان جەتەرسىزدىكتەر مەن كەمشىلىكتەر، مەملەكەتتىك كوماندا مۇشەلەرىن سارالاۋ ولشەمىن زەرتتەۋدەگى جەتەرسىزدىكتەر اشىپ كورسەتىلدى.

  كەشىرىم سۇرۋ حاتىنىڭ سوڭىندا فۋتبول بىرلەستىگى، مەملەكەتتىك دەنە تاربيە مەكەمەسىنىڭ فۋتبول كومانداسىن باسقارۋ ءبولىمى جانە ەرلەر فۋتبول كومانداسى وزدەرىنىڭ وسى رەتكى جەڭىلىستەگى تاجىريبە ساباقتاردى مۇقيات قابىلداپ، بۇدان كەيىنگى ءار رەتكى توپتىق ماشىق پەن جارىسقا «ۇياتتى كوڭىلمەن» قاراپ ءارى ونى جاقسى ىستەپ، ناقتى ءىس جۇزىندىك ارەكەتىمەن ابىرويدى قايتا تىكتەپ، بىرتىندەپ قالىڭ فۋتبول جانكۇيەرلەرىنىڭ كەشىرىمنە يە بولۋعا كۇش سالاتىندىعى ايتىلعان.

  (ورتالىق ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 
جاۋاپتى رەداكتورى : مۇحيت امانتاي ۇلى

 سۋرەت

  • جاپونيانىڭ فۋدزياما تاۋى