شي جينپيڭ، لي كىچياڭدار گانسۋدىڭ مينشيان، جاڭشيان اۋداندارىندا تۋىلعان 6.6 بال جەر سىلكىنىسى جونىندە ماڭىزدى نۇسقاۋ بەردى

2013.07.23 16:34   كەلۋ قاينارى : حالىق تورابى

　　شينحۋا تورابىنىڭ 22-شىلدەدە لانجوۋدان بەرگەن حابارى. گانسۋ ولكەلىك جەر سىلكىنىسىنە قارسى اتتانىپ، اپاتتان قۇتقارۋقولباسشىلىق كەڭسەسىنىڭ ساناعىنا قاراعاندا، قازىرگە دەيىن مينشيان اۋدانى مەن جاڭشيان اۋدانىنىڭ شەكارالاسقان جەرىندە تۋىلعان جەر سىلكىنىسى اپاتىنان ديڭشي، لۇڭنان، تيانشۋي، باييىن، لينشيا، گاننان قاتارلى 6 قالا-وبلىستاعى 22 اۋدان-رايونداعى 204 اۋىل-قالاشىقتان جيىنى 123 مىڭ ادام اپاتقا ۇشىراعان؛ اپات سەبەبىنەن 89 ادام ءولىپ، 5 ادام دەرەكسىز كەتكەن، 800 دەن ارتىق ادام جارالانعان؛ 31 مىڭ 600 ادام شۇعىل كوشىرىلگەن.

　　ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ باس شۋجيى شي جينپيڭ بۇل ىسكە ەرەكشە نازار اۋدارىپ، ماڭىزدى نۇسقاۋ بەرىپ، گانسۋ ولكەسى مەن قاتىستى تاراۋلاردان دەرەۋ كۇش ۇيىمداستىرىپ، جەر سىلكىنىسىنە قارسى اتتانىپ، اپاتتان قۇتقارۋعا بار كۇشپەن كىرىسۋدى، كەزەكتە ادامداردى قۇتقارۋدى ءبىرىنشى ورىنعا قويىپ، ءولىم-ءجىتىم تۋىلۋدان بارىنشا ساقتانۋدى تالاپ ەتتى. بۇقارانى قاتەردەن ساقتانۋعا شۇعىل ۇيىمداستىرۋ جانە اپاتقا ۇشىراعان بۇقارانى ورنالاستىرۋ قىزمەتىن ويداعىداي جاقسى ىستەپ، سىلكىنىس اسەرىن باقىلاۋدى كۇشەيتىپ، شارا قولدانا وتىرىپ قوسانجار اپات تۋىلۋدان ساقتانىپ، جەر سىلكىنىسىنەن تۋىلاتىن اپات زيانىن بارىنشا ازايتۋ كەرەك.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى