بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى

شينجياڭدىق ورەندەر جاپونيالىق، وڭتۇستىك كورەيالىق ارىپتەستەرىن شاق كەلتىرمەي، اعا جۇلدەگەر بولدى

ەكى رەتكى جارىستا وڭتۇستىك كورەيا ورەندەرىنىڭ قاقپاسىنا 14 رەت دوپ سالدى

2013.07.26 11:11   كەلۋ قاينارى : حالىق تورابى



  بەيجيڭ ۋاقىتى 25-شىلدەدە 2013-جىلعى جۇڭگو ۋەيفاڭ «ءۇمىت دوداسى» حالىقارالىق ورەندەر فۋتبول جارىسىنىڭ ەڭ سوڭعى اينالىمىندا ءۇرىمجى قالالىق 5-باستاۋىش مەكتەپتىڭ ورەندەر فۋتبول كومانداسى 7 رەتكى باسەكەدە تۇگەلدەي جەڭىس تۇعىرىنان كورىنىپ، ارىپتەستەرىنىڭ قاقپاسىنا 43 دوپ سالىپ، 7 جارىستا ءۇش دوپ قانا ەسە جىبەرىپ، ۇزدىك ناتيجەمەن اعا جۇلدەگەر بولدى، ايتا كەتۋگە تاتيتىنى، وڭتۇستىك كورەيا ورەندەرىمەن بولعان ەكى رەتكى جارىستا 14 دوپ ەنگىزپ، قارسى جاققا ءبىر دە ءبىر وراي بەرمەگەن.

  بەيجيڭ ۋاقىتى 26-شىلدەدە الىنعان حابارعا قاراعاندا، ۋەيفاڭ «ءۇمىت دوداسىنىڭ» ەڭ سوڭعى جارىس كۇنى كەشە اياقتادى، شينجياڭ ءۇرىمجى قالالىق 5-باستاۋىش مەكتەپتىڭ ورەندەر كومانداسى ۇزدىك ناتيجەمەن U13 گرۋپپاسىندا اعا جۇلدەگەر بولدى.

  بۇل رەتكى جارىسقا جيىنى 48 كوماندا قاتىناسقان، مۇندا 18 كوماندا شەتەلدەن كەلگەن، جارىسقا قاتىناسقان ادام سانى 1200 ادامنان اسقان. جارىس ۇلدار مەن قىزدار گرۋپپاسى بويىنشا U13، U15، U17 گرۋپپالارىنا بولىنگەن.

  جارىس ناتيجەلەرى:

  7 : 0 شاندۇڭ تاجىريبە ورتا مەكتەبى

  2 : 1 جاپونيا وساكا U13

  5 : 0 شاندۇڭ لۋنىڭ U13

  5 : 2 شاندۇڭ سايكى U13

  7 : 0 وڭتۇستىك كورەيا ياڭپيوڭ U13

  10 : 0 شاندۇڭ جينان ديانليۋ 1-ورتا مەكتەبى

  7 : 0 وڭتۇستىك كورەيا بۋسانپو U13

  كەلۋ قاينارى: حالىق تورابى

【1】 【2】 【3】 【4】 【5】 
جاۋاپتى رەداكتورى : نۇرعيسا قۇرمانجان ۇلى

 سۋرەت