بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

جۇڭگو تەكەس ءتاڭىر تاۋى مادەنيەت اپتالىعىنان قيىقتار

حاباردى جازىپ، سۋرەتتەردى تۇسىرگەن: سەنبەك اۋەسقان ۇلى 

2013.08.08 17:33   كەلۋ قاينارى : حالىق تورابى



  ۋاڭ جيانجۇڭ، قىزىركەلدى ءابدىراحمان ۇلى، اۋكوم شۋجيى ليۋ لي قاتارلىلار مەرەكەنىڭ باستالۋ سالتىندا.

  جۇڭگو تەكەس ءتاڭىر تاۋى مادەنيەت اپتالىعى مەن 2 – رەتكى جۇڭگو تەكەس حالىقارالىق فوتوگرافيا تۋىندىلارىن سارالاۋ جارىسى تامىزدىڭ 1 – كۇنىنەن 6 – كۇنىنە دەيىن تەكەس اۋدانىندا دابىرالى وتكىزىلدى.

  بۇل رەتكى قيمىلدى بەيجيڭ ۋنيۆەرسيتەتىنىڭ، مادەنيەت مينيسترلىگى بەيزاتتىق مادەني مۇرا مەكەمەسىنىڭ جەتەكشىلىك ەتۋىندە، تەكەس اۋداندىق حالىق ۇكىمەتىنىڭ، جۇڭگو بەيزاتتىق مادەني مۇرانى جالپىلاستىرۋ ورتالىعىنىڭ، بەيجيڭ ۋنيۆەرسيتەتى مادەنيەت بايلىعىن زەرتتەۋ ورتالىعىنىڭ، ا ق ش فوتوگرافيا قوعامى جۇڭگو بولىمشەسىنىڭ باسقارۋىندا، تەكەس اۋداندىق مادەنيەت، دەنەتاربيە، راديو – كينو – تەلەۆيزيا مەكەمەسى، تەكەس اۋداندىق ساياحات مەكەمەسى، تەكەس اۋداندىق بالناما عىلمي قوعامى، تەكەس اۋداندىق فوتوگرافيا قوعامى جاۋاپتى بولىپ وتكىزدى.

  بۇل رەتكى قيمىل تۇڭعىش رەتكى جۇڭگو تەكەس ءتاڭىر تاۋى مادەنيەت اپتالىعى، ءتاڭىر تاۋىن جىرلاۋ اتىنداعى ءتاڭىر تاۋىنىڭ قۇرامىندا قاراجون ساحاراسىنىڭ دۇنيە جۇزىلىك جاراتىلىستىق مۇراعات قاتارىنا ەنگىزىلگەنىن تويلاۋ قيمىلى، تۇڭعىش رەتكى جۇڭگو تەكەس حالىقارالىق ءۇيسىن مادەنيەتى جانە قازاق مادەنيەتىن قورعاۋ، مۇراگەرلىك ەتۋ زەرتتەۋ تالقى ءماجىلىسى، 2 – رەتكى جۇڭگو تەكەس حالىقارالىق فوتو سۋرەت جارىسىنىڭ باستالۋ سالتى، 2 – رەتكى جۇڭگو تەكەس دۇنيە جۇزىلىك بالناما تالقىسى، تەكەس مادەنيەت، ساياحات كاسىبى تالقى مىنبەسى، بۇعازدىڭ ەكى جاعالاۋىنداعى ايگىلى سايىسكەرلەردىڭ تالقى مىنبەسى سياقتىلاردى قامتىدى. فوتو سۋرەت تۋىندىلارىن جاراتۋ، سارالاۋ قيمىلى 2014 – جىلى ماۋسىم ايىنا دەيىن جالعاسادى.

  تەكەس اۋداندىق پارتكومنىڭ ورىنباسار شۋجيى، اۋدان اكىمى جاڭارسىن نۇراش ۇلى بىلاي دەدى: بۇل رەتكى قيمىلدىڭ ماقساتى ‐ ءتاڭىر تاۋى مادەنيەتىن ۇگىتتەۋ، تانىستىرۋ، سونداي – اق مادەنيەت ارقىلى تەكەس اۋدانىنىڭ ءار سالا كاسىبىنىڭ دامۋىن جەبەۋ، تەكەس اۋدانىن ەكولوگيالىق ورتاسى جاقسى، مادەنيەت ءتۇسى قويۋ، قونىستانۋعا جايلى، ساياحاتى گۇلدەنگەن وزگەشە باۋراۋ قۋاتىنا يە اۋدان ەتىپ قۇرىپ شىعۋ.

  قيمىلدىڭ باستالۋ سالتىنا ىلە وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانجۇڭ، ىلە وبلىستىق مادەنيەت، دەنەتاربيە، راديو – كينو – تەلەۆيزيا مەكەمەسىنىڭ باستىعى قىزىركەلدى ءابدىراحمان ۇلى قاتارلى باسشىلار، جاقىپ مىرزاقان ۇلى، جاقىپ ءجۇنىس ۇلى، جۇڭگو قوعامدىق عىلىم اكادەمياسى ۇلتتار ادەبيەتىن زەرتتەۋ ورنىنىڭ زەرتتەرمەنى حۋاڭ جۇڭشياڭ قاتارلى ماماندار قاتىناستى.

  («ىلە كەشى» گازەتىنىڭ ءتىلشىسى)

  كەلۋ قاينارى: حالىق تورابى

  

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 【23】 【24】 【25】 【26】 【27】 【28】 【29】 【30】 
【31】 【32】 【33】 
جاۋاپتى رەداكتورى : نۇرعيسا قۇرمانجان ۇلى

 سۋرەت