بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

بەيجيڭدە پروفەسسور عيمارات توبەسىنە ساياجاي سالعان

قالا باسقارۋ تاراۋلارى ساياجايدى شاعۋدى تالاپ ەتتى

2013.08.13 13:30   كەلۋ قاينارى : حالىق تورابى



  ءتىلشىمىز سۋ نان 12-تامىزدا بەيجيڭنەن حابارلايدى. جۋىردا «بەيجيڭدە پروفەسسور عيمارات توبەسىنە ساياجاي سالعان، ساياجايدا اعاش تا، تاۋ دا بار!» دەپ جازىلعان تەمە عالامتوردا قىزۋ تالقىنىڭ بىلتەسىنە اينالدى. بەيجيڭ قالاسى حايديان رايوندىق قالا باسقارۋ مەكەمەسى 12-تامىزدا بۇل ءىس تۋرالى حابارلاندىرۋ جاريالاپ، اتالعان قۇرىلىستىڭ زاڭسىز سالىنعانىن، بەلگىلەنگەن ۋاقىت ىشىندە قۇرىلىس يەسى ۇقىعىن قورعاۋ تۋرالى قاتىستى ورىندارعا شاعىم ايتپاسا نەمەسە زاڭسىز سالعان قۇرىلىسىن وزدىگىنەن شاقپاسا، وندا بەيجيڭ قالاسى حايديان رايوندىق حالىق ۇكىمەتىنىڭ بەكىتۋىنەن وتكىزىلگەننەن كەيىن، بۇل قۇرىلىستىڭ ءماجبۇرلى تۇردە شاعىلاتىنىن حابارلاندىرعان.

  ۇعىسۋعا قاراعاندا، اتالعان ساياجاي بەيجيڭ قالاسى بايشىچياۋ جولىنداعى ءبىر الەۋمەتتىك وڭىردەگى 26 قاباتتىق عيماراتتىڭ توبەسىنە 6 جىلدان بەرى سالىنۋ ۇستىندە ەكەن. شۋىلعا شىداماعان كورشىلەر كوشىپ كەتسە، ورنىنا كوشىپ كەلگەندەر دە ۇزاق وتىرمايتىن كورىنەدى. كەيبىر ۇيلەردىڭ توبەسىنەن سۋ تامشىلاعاندىقتان، ءۇي يەلەرى ۇيلەرىن امالسىزدان ساتقان. قورا-جاي باسقارۋ ورنى دا بۇل ءىستى جونگە سالا الماعان، قالا باسقارۋ تاراۋلارى ارالاسىپ، ءۇي يەسىن كەڭەسۋگە شاقىرعانىمەن، بۇل دا اياقسىز قالعان.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 
جاۋاپتى رەداكتورى : نۇرعيسا قۇرمانجان ۇلى

 سۋرەت