ەگيپەتتەگى «الاڭدى تازالاۋدا» ۋاقىتتىق ۇكىمەت 278 ادام قازا بولدى دەسە، مۇسىلمان باۋىرلاستار وداعى 2600دەن استام ادام قازا بولدى دەپ جاريالادى

2013.08.15 14:42   كەلۋ قاينارى : حالىق تورابى

　　حالىق تورابىنىڭ 15-تامىزداعى حابارى. شەتەل مەديالارىنىڭ حابارلاۋىنشا، ەگيپەت ۋاقىتتىق ۇكىمەتىنىڭ ءمانساپتىسى 14-تامىزدا تۇنگى ءجۇرىس-تۇرىسقا تيىم سالىنعاننان بەرى ەل ءىشى جاعدايى ورنىقتىلىققا بەتالعانىن ايتقان. وسىنىڭ الدىندا بۇلىكتەن ساقتانۋ قوسىنى قارسىلىق كورسەتۋشىلەردىڭ كايردەگى بازاسىن ساۋىتتى كولىك جانە توپىراق كۇرەگىش ماشينامەن قيراتقان.

　　ەگيپەت ۋاقىتتىق ۇكىمەتىنىڭ جاريالاۋىنشا، 14-تامىزداعى «الاڭدى تازالاۋدا» 278 ادام قازا بولعان، قازا بولعانداردىڭ ىشىندە 43 ساقشى بار. الايدا، مۇسىلمان باۋىرلاستار وداعىنىڭ مالىمدەمەشىسى ساقشى جاقتىڭ ەرەۋىلشىلەرگە اۆتوماتپەن وق جاۋدىرىپ، 2600 ادامنىڭ كوز جۇمعانىن ايتقان. مۇسىلمان باۋىرلاستار وداعى مۇرسيدىڭ مىندەتىن قالپىنا كەلتىرۋدى تالاپ ەتكەن.

　　وقيعانى كوزىمەن كورۋشىلەردىڭ جانە تىلشىلەردىڭ ايتۋىنشا، ولار اتىس بولعان جەردەگى ەمحانا مەن ۋاقىتتىق ءمايت قويۋ ۇيىنە قويىلعان مايتتەردى كورگەن، جانىشتاۋعا قارسىلىقتىڭ ورشۋىنە ىلەسە، ىسلاميزمشىلەر الەكساندر، مينيا، اسيوت، سۆەيش قاتارلى قالالاردا دا دۇربەلەڭ تۋدىرعان.

　　ەگيپەت ىشكى ىستەر مينيسترى يبراحيمنىڭ ايتۋىنشا ساقشى جاق قارسىلىق كورسەتۋشىلەردىڭ بازاسىنا ەڭ تومەنگى شەكتەگى قارۋلى كۇش ىستەتىپ، تەك جاساۋراتقىش وق قولدانعان. ول مۇسىلمان باۋىرلاستار وداعىنىڭ بۇكىل ەل كولەمىندە بىلىقپالىق تۋدىرعانىن، ساقشىعا وق اتقانىن، ۇكىمەت عيماراتىنا شابۋىلداعانىن جانە شىركەۋدى ورتەگەنىن ايىپتاعان. ول ۋاقىتتىق ۇكىمەتتىڭ بۇقارانىڭ تالابىنا ساي مەملەكەتتىڭ ورنىقتىلىعىن قالپىنا كەلتىرۋگە ارەكەتتەنگەنىن ايتقان.

　　سونىمەن قاتار، ەگيپەت ۋاقىتتىق ۇكىمەتىنىڭ زۇڭتۇڭى، رەفورماعا بەيىم باسشى ەربالادي قىزمەتىنەن شەگىنگەن. ول «ءبىر تامشى قان ءۇشىن دە» جاۋاپكەرلىك ارقالاپ قالعىسى كەلمەگەنى ءۇشىن قىزمەتتەن كەتەتىنىن ايتقان.

　　ەگيپەت مەملەكەت تەلەۆيزياسىنىڭ زۇڭتۇڭ سارايىنىڭ مالىمدەمەسىنەن سيتات كەلتىرە حابارلاۋىنشا، ەگيپەت 14-تامىز كۇنى تۇستەن كەيىنگى ساعات 4تەن (بەيجيڭ ۋاقىتى ساعات 22) باستاپ ءبىر اي بويى شۇعىل جاعدايعا كوشەتىنىن جاريالاعان.

　　كەلۋ قاينارى: حالىق تورابى