بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

اقسايداعى مالشىلاردىڭ جاڭاشا تۇرمىسى

2013.08.28 13:59   كەلۋ قاينارى : حالىق تورابى



  جادىراعان جاز، كورىكتى اقساي ساحاراسىندا ءتورت تۇلىكتىڭ سەمىرگەن مەزگىلى، ساحاراداعى كيىز ۇيدە دومبىرا ءۇنى قۇيقىلجيدى. جاڭا اۋدان قالاشىعىنىڭ تەپ-تەگىس جولدارى مەن قاتار-قاتار تىزىلگەن قابات ۇيلەرى جاڭاشا تىرلىكتى كوزگە ەلەستەتەدى.

  گانسۋ ولكەسىندەگى اقساي قازاق اۆتونوميالى اۋدانىنىڭ كورىنىسى كوركەم، كەن بايلىعى مول، ۇلتتىق سالت-سانا ەرەكشەلىگى ايقىن، بۇل ارادا ىرگە تەپكەن قازاقتاردىڭ كۇن كورىسى كۇن ساناپ جاقسارىپ كەلەدى. وسى ارادا تۇراتىن مالىك ەسىمدى قارت: «بۇرىن كيىز ۇيدە تۇرۋشى ەدىك، تۇرمىس شارت-جاعدايىمىز ونشا جاقسى ەمەس، شيپاگەرگە كورىنۋ قولايسىز بولاتىن. بۇل كۇندەرى سۋ، جول، ەلەكتر، سىمدى تەلەۆيزور، تەلەفون جانە تابيعي گاز قاتارلىلار تۇتاستىرىلعان اۋدانداعى وتىرىقتاندىرۋ تۇيىنىنە ورنالاستىق، جىل سايىن جايىلىمدىق جەرگە قوسىمشا قاراجات الامىز، تۇرمىسىمىز جاقسى»،-دەپ اڭگىمە تيەگىن اعىتتى.

  ايمەن اتتى قازاق ايەل اقساي كيىز ءۇيلى ءدامدى تاعامدار باقشاسىندا ءۇش جەردەن كيىز ءۇي تىگىپ، ۇلتتىق تاعامدار تيجاراتىمەن شۇعىلدانۋدا، بۇل ارادا قوي ەتى، جىلقى ەتى، قاتىق سىندى قازاقى تاعامدارمەن تاماقتانۋعا بولادى. ايمەننىڭ ايتۋىنشا، ۇلتتىق تاعامدار باقشاسىن ۇكىمەت سالعان، جەكەلەر تەك باسقارۋ اقىسىن تاپسىرسا بولعانى وسى ارادا تيجارات جاساۋىنا بولادى، ءار جىلى ساۋدا كۇسەت بولعان كەزدە ايتارلىقتاي كىرىس كىرگىزۋگە بولادى.

  2010-جىلدان باستاپ اقساي جىڭعىلدى قويناۋ قالاشىعىنىڭ باتىسىنداعى قۇبا دۇزدە اۋىل شارۋاشىلىق ۇلگى رايونىن قۇرىپ، كوشىپ كەلگەن ديقان-مالشىلارعا تومەن باعادا جالعا بەرگەن. 48 جاستاعى باقاي كوركەيتۋ رايونىنان ەكى پارنيك مايعا الىپ، كوكونس ەگۋمەن اينالىسىپ، جىل سايىن وتىز-قىرىق مىڭ يۋان كىرىس كىرگىزەدى ەكەن. اقسايدا 270كە جۋىق مالشى وتباسى باقاي سياقتى ەگىمشىلىكپەن اينالىسا باستاعان. قازىر جىڭعىلدى قويناۋ اۋىل شارۋاشىلىق كوركەيتۋ رايونىنىڭ جەر اۋدانى 400 مۋدان استام، 126دان استام پارنيك سالىنعان، جىل سايىن 3 ميلليون يۋاننان استام كىرىس كىرگىزەدى.

  بۇگىنگى تاڭدا اقساي اۋدانى قالا مەن اۋىل ءبىر تۇلعالاندىرىلعان قوعامدىق قامتاماسىزداندىرۋ جۇيەسىن، بالالار باقشاسىنان تولىق ورتانى تاۋىسقانعا دەيىن اقىسىز وقىتۋدى ىسكە اسىرعان. «گانسۋ گازەتىنىڭ» ءتىلشىسى شىڭ شۋەچين فوتوسى

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : نۇرعيسا قۇرمانجان ۇلى

 سۋرەت