جۇڭگو ــ ازيا-ەۆروپا كورمەسى 2-قىركۇيەكتە اشىلدى

2013.09.03 17:44   كەلۋ قاينارى : حالىق تورابى

　　ءتاڭىرتاۋ تورابىنىڭ حابارى. 3-كەزەكتى جۇڭگو ــ ازيا-ەۆروپا كورمەسى جانە جۇڭگو ــ ازيا-ەۆروپا ەكونوميكانى دامىتۋ سەلبەستىك تالقىسى 2013-جىلى 2-قىركۇيەك تۇستەن كەيىن ۇرىمجىدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىڭ ورىنباسار ءتوراعاسى لي يۋانچاۋ، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان قاتارلىلار اشىلۋ سالتىنا قاتىناسى جانە ءسوز سويلەدى.

　　قىرعىزستان زۇڭليى جانتورە ساتىبالديەۆ، تاجىكستاننىڭ ءبىرىنشى زۇڭليى داۋلاتوۆ، موڭعۇليا مەملەكەتتىك حۇرالىنىڭ ورىنباسار ءتوراعاسى ونچىكدورجى، بىرىككەن مەملەكەتتەر ۇيىمى گۇلدەندىرۋ جوسپارى كەڭسەسىنىڭ باستىعى كراك، نەپال پارلامەنتىنىڭ بۇرىنعى باستىعى نەمۋاڭ قاتارلىلار لەكسيا جاسادى.

　　اشىلۋ سالتىن 3-كەزەكتى جۇڭگو ــ ازيا-ەۆروپا كورمەسىن ۇيىمداستىرۋ كوميسسياسىنىڭ ءتوراعاسى، شينجياڭ ۇيعۇر اۆتونوميالى رايونىنىڭ ءتوراعاسى نۇر باكىر باسقاردى، ساۋدا مينيسترلىگىنىڭ ورىنباسار مينيسترى لي جينزاۋ قاتارلىلار اشىلۋ سالتىنا قاتىناستى.

　　كەلۋ قاينارى: حالىق تورابى