قازاقستان زۇڭتۇڭى نۇرسۇلتان نازاربايەۆ

2013.09.04 09:39   كەلۋ قاينارى : حالىق تورابى

　　نۇرسۇلتان ءابىش ۇلى نازاربايەۆ 1940-جىلى الماتى وبلىسى قاراساي اۋدانىنداعى شامالعان اۋىلىندا قاراپايىم مالشى وتباسىندا دۇنيەگە كەلگەن. قاراعاندى مەتاللۋرگيا كومبيناتىنا قاراستى جوعارى تەحنيكا وقۋ ورنىن جانە كەڭەس وداعى ورتالىق كوميتەتىنە قاراستى جوعارى پارتيا مەكتەبىن تاۋىسقان، مەتاللۋرگيا ينجەنەرى كاسىپتىك اتاعىنا جانە ەكونوميكا عىلىمدارىنىڭ دوكتورى سىندى عىلمي دارەجەگە يە بولعان. 2002-جىلى جەلتوقساندا بەيجيڭ ۋنيۆەرسيتەتى وعان قۇرمەتتى دوكتور عىلمي دارەجەسىن تابىستادى.

　　نازاربايەۆ قاراعاندى وبلىستىق پارتيا كوميتەتىنىڭ حاتشىسى، قازاقستان كوممۋنيستىك پارتياسى ورتالىق كوميتەتىنىڭ حاتشىسى، قازاقستان مينيسترلەر كەڭەسىنىڭ ءتوراعاسى، قازاقستان كوممۋنيستىك پارتياسى ورتالىق كوميتەتىنىڭ ءبىرىنشى حاتشىسى، قازاق ك س ر جوعارى كەڭەسىنىڭ ءتوراعاسى جانە قازاق ك س ر سوتسياليستىك رەسپۋبليكاسىنىڭ زۇڭتۇڭى قاتارلى مىندەتتەردى اتقارعان. 1991-جىلى جەلتوقساندا ول تاۋەلسىزدىك العان قازاقستان رەسپۋبليكاسىنىڭ تۇڭعىش زۇڭتۇڭى بولعان. 1995-جىلى ساۋىردە قازاقستان بۇكىل حالىقتىق شەشىم بويىنشا نازاربايەۆتىڭ زۇڭتۇڭدىق مەرزىمىن 2000-جىلعا دەيىن ۇزارتقان. 1999-جىلى قاڭتاردا نازاربايەۆ زۇڭتۇڭ سايلامىن الدىن-الا وتكىزىپ، سايلامدا جالعاستى زۇڭتۇڭ بولىپ سايلانعان. 2005-جىلى جەلتوقساندا نازاربايەۆ جاڭا كەزەكتى زۇڭتۇڭ سايلامىندا تاعى دا جەڭىسكە جەتىپ، جالعاستى زۇڭتۇڭ بولىپ سايلانعان. 2010-جىلى قازاقستان پارلامەنتىنىڭ جوعارعى پالاتاسى زاڭ جوباسىن ماقۇلداپ، نازاربايەۆكە «ەلباسى» مارتەبەسىن بەردى. 2011-جىلى ساۋىردە نازاربايەۆ 4-رەت زۇڭتۇڭ بولىپ سايلانىپ، تامىزدا استاناداعى تاۋەلسىزدىك سارايىندا سەرت بەرىپ قىزمەتكە كىرىستى.

　　نازاربايەۆ قازاقستان قارۋلى كۇشتەرىنىڭ ەڭ جوعارى قولباسشىسى.

　　نازاربايەۆ قاراپايىم دا قاعىلەز، ءىس جۇزىندىك جاعدايعا ءمان بەرىپ، باسقالاردى جونىمەن يلاندىرۋعا شەبەر، ىسكەر دە سۇڭعىلا ساياساتكەر. ول جۇرتقا جاناسىمدى، ۇنەمى حالىق اراسىنا بارىپ، ولارمەن اشىق-جارقىن اڭگىمەلەسەدى. ول ساياسي جانە ەكونوميكالىق ماسەلەلەرگە رەال تۇرعىدان مامىلە جاساۋدى، ەل ىشىندەگى ءتۇرلى قايشىلىقتاردى شەشۋدە ءىس جۇزىندىك جاعدايمەن ساناسۋدى قۋاتتايدى.

　　جۇبايى سارا الپىس قىزى 1941-جىلى تۋىلعان، ولاردىڭ ءۇش قىزى بار.

　　نازاربايەۆ جۇڭگوعا كوپ رەت ساپارلاي كەلگەن. 2002-جىلى جەلتوقساندا بەيجيڭ ۋنيۆەرسيتەتى وعان قۇرمەتتى دوكتور دارەجەسىن بەردى. 2004-جىلى مامىردا نازاربايەۆ جۇڭگودا مەملەكەت ىسىمەن ساپاردا بولدى. 2006-جىلى جەلتوقساندا جۇڭگودا تاعى دا مەملەكەت ىسىمەن ساپاردا بولدى. 2008-جىلى تامىزدا نازاربايەۆ زۇڭتۇڭ بەيجيڭدە 29-كەزەكتى وليمپيادانىڭ اشىلۋ سالتىنا جانە قاتىستى قيمىلدارعا قاتىناستى. 2009-جىلى ساۋىردە نازاربايەۆ جۇڭگودا مەملەكەت ىسىمەن ساپاردا بولعاندا، جۇڭگو حالىقارالىق وليمپيادا كوميتەتى ەڭ جوعارى قۇرمەت وردەنىن تابىستادى، جۇڭگو حاينان ولكەسى قۇرمەتتى ازامات اتاعىن بەردى. 2013-جىلى ساۋىردە جۇڭگودا مەملەكەت ىسىمەن ساپاردا بولدى ءارى بو-اۋ ازيا تالقى مىنبەرىنىڭ 2013-جىلعى جينالىسىنا قاتىاستى.

　　كەلۋ قاينارى: حالىق تورابى