بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

نوكيا قولفون ساۋدالارىنىڭ كوپ ءبولىمىن ميكروسوفت سەرىكتىگىنە ساتىپ بەرەتىنىن جاريالادى

2013.09.04 14:35   كەلۋ قاينارى : حالىق تورابى



  شينحۋا اگەنتتىگىنىڭ 3-قىركۇيەكتە بەيجيڭنەن بەرگەن حابارى. تاياۋدا ميكروسوفت توبى 3 ميلليارد 790 ميلليون (شامامەن 5 ميلليارد امەريكا دوللارى) ەۆرومەن نوكيا توبىنا تاۋەلدى قولفون كاسىبىنىڭ كوبىن ساتىپ الاتىندىعىن، مۇنان سىرت تاعى ءبىر ميلليارد 650 ميلليون (شامامەن 2 ميلليارد 180 ميلليون امەريكا دوللارى) ەۆرومەن نوكيانىڭ پاتەنت رۇقساتى كۋالىگىن ساتىپ الاتىندىعىن جاريالادى. وسىعان بايلانىستى، ميكروسوفت توبىنىڭ نوكيانى «ءوز ەنشىسىنە الۋعا» جۇمسايتىن جالپى قارجىسى 5 ميلليارد 440 مىڭ (شامامەن 7 ميلليارد 170 ميلليون دوللار) ەۆروعا جەتتى.

  توقتامعا قول قويىلعان سوڭ، نوكيا توبىنىڭ كوپتەگەن جوعارى دارەجەلى ءمانساپتىلارى ميكروسوفت توبىنا كەلىپ قوسىلادى. وسى ساۋدا ءۇشىن ميكروسوفت تاعى شەتەلدەگى قىرۋار ناق اقشاسىن ىسكە قوستى. ساۋدا بىتكەننەن كەيىن نوكيا توبىنان تاعى 4700 فينلانديالىق جۇمىسكەردى قامتىعان 32 مىڭ جۇمىسشى ميكروسوفت توبىنا قوسىلادى.

  سۋرەتتە: 3-قىركۇيەك فينلانديانىڭ ەسفو قالاسىنان تۇسىرىلگەن نوكيا باس باسقارماسىنىڭ عيماراتى. باس باسقارماسى فينلانديادا تۇراتىن نوكيا سەرىكتىگىنىڭ ءوز تورابىندا حابارلاۋىنشا: سەرىكتىك قولفون ساۋدا ىستەرىنىڭ كوبىن مايكروسوفت سەرىكتىگىنە ساتىپ بەرگەن، توقتامنىڭ جالپى سوماسى 5 ميلليارد 440 ميلليون ەۆرو بولعان. نوكيانىڭ فينلانديانىڭ ەسفو قالاسىنداعى باس بولىمشەسىنىڭ عيماراتى ءباز باياعىسىنشا ساقتالىنىپ قالعان.

  (ورتالىق ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

【1】 【2】 
جاۋاپتى رەداكتورى : مۇحيت امانتاي ۇلى

 سۋرەت