لي كىچياڭ: مەيىر-شاپاعات،ءۇمىت باعىشتاپ، وقۋ-اعارتۋدىڭ ادىلدىگىن قۇلشىنا جەبەپ، وقۋ-اعارتۋ ساپاسىن جوعارىلاتايىق

2013.09.10 14:56   كەلۋ قاينارى : حالىق تورابى

　　

　　كەسكىن ورتالىق تەلەۆيزيا تورابىنان الىندى

　　شينحۋا اگەنتتىگىنىڭ 9-قىركۇيەكتە دالياننان بەرگەن حابارى. 9-قىركۇيەك تۇستەن بۇرىن، 29-رەتكى وقىتۋشىلار مەرەكەسىنىڭ قارساڭىندا ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ داليان قالاسىندا تەكسەرۋ جۇرگىزدى ءارى وقىتۋشى-وقۋشىلارمەن امانداستى، نەگىزگى ساتىداعى وقىتۋشىلارمەن اڭگىمەلەستى.

　　داليان 20-ورتا مەكتەبىنىڭ تىپ-تىنىش اۋلاسىندا وقۋشىلار ساباقتا وتىرعان-دى. لي كىچياڭ وقىتۋشىلار كەڭسەسىنە بارعاندا، زۇڭليدى كورگەن وقىتۋشىلار اعىلىپ كەلىپ قاۋمالاپ الدى. لي كىچياڭ بىلاي دەدى: وقىتۋشىلىقماڭگى جۇرت قۇرمەتىنە بولەنەتىن كاسىپ، قالىڭ وقىتۋشىلار وزىندەگىنى سارقىپ، وزگەلەرگە ءبىلىم بەرىپ، مەملەكەت پەن حالىقتىڭ بولاشاعىنا ءۇمىت اكەلەدى، وقىتۋشىلاردى قۇرمەتتەپ، وقۋ-اعارتۋعا ءمان بەرۋ قوعامدىق وركەنيەتتىڭ، العاباسارلىقتىڭ بەلگىسى. 20-ورتا مەكتەپتىڭ تۇڭعىش توپتا ىشكى ولكەدە وقيتىن شينجياڭ كلاسىن اشقان مەكتەپ ەكەندىگىن ەستىگەندە، لي كىچياڭ قۋانا قاسىنداعى ءار ۇلت وقىتۋشىلارىنا بىلاي دەدى: بالالار اۋىلدان شالعايدا ءجۇر، سىزدەر ولارعا ءبىلىم بەرەتىن ۇستاز، تۇرمىستا اتا-انا بولاسىزدار، سىزدەردىڭ بۇل كوللەكتيۆ باتىس بولەك وقۋ-اعارتۋىن قولداۋدىڭ، ۇلتتار ىنتىماعىن جەبەۋدىڭ جاندى ايعاعى. ول مەكتەپتى شينجياڭ كلاسىن اشۋدا ساپالى، تاجىريبەلى بولۋعا، وقىتۋ بايلىعى ءبىرشاما مول تەڭىز جاعالاۋى جانە شىعىس ولكەلەردى ورتا-باتىس بولەككە اناعۇرلىم كوپ جاردەمدەسۋگە ىنتالاندىردى. ( ءتىلشى: چىن ىرحۋ، حى يالين)

　　(ورتالىق ۇلتتار اۋدارما مەكەمەسى اۋداردى)

　　كەلۋ قاينارى: حالىق تورابى