فۋتبول شولپانى مەسۇت وزەل

2013.09.23 14:26   كەلۋ قاينارى : حالىق تورابى

　　مەسۇت وزەل 1988-جىلى 15-قازاندا گەرمانيانىڭ گەلسەنكيرچن قالاسىندا تۋىلعان، بوي بيىكتىگى 180cm، مۇسىلمان، اتا تەگى تۇركيالىق، وزەلدىڭ اكەسى تۇركيادان گەرمانياعا قونىس اۋدارعان، وزەل بالا كەزىنەن فۋتبول تەبۋگە اۋەستەنگەن، ءارى فۋتبولدى جانىنداي سۇيەتىن ول ءوز اۋەسىنە بارىنشا دەن قويعان، سوندىقتاندا ول بۇل سپورتتىڭ بارلىق جاپا-ماشاقاتىنا شىداعان، ءارى جاستايىنان بۇل ونەردەن ءوز تالانتىن تانىتا باستاعان. ول قازىر گەرمانيا مەملەكەتتىك قۇراماسىنىڭ نەگىزگى ورتا مايدان شابۋىلداۋشىسى، انگليا ەرەكشە دارەجەلى بىرلەسپە جارىسىنداعى ارسەنال كومانداسىنىڭ نەگىزگى ورتا مايدان شابۋىلداۋشىسى.

　　وزەلدىڭ فۋتبول ساحناسىنداعى شولپاندىق جولى گەرمانيانىڭ ۆەردەر بەرەمەن كومانداسىنان باستالعان، وسى كومانداداعى ەرەكشە ونەر كورسەتۋى ونى گەرمانيانىڭ مەملەكەتتىك قۇراماسىنا ۋاكىل رەتىندە، 2010-جىلعى الەمدىك فۋتبول ساۋىتىنا تالاسۋ جارىسىنا قاتىناسۋ تولىمدىعىنا وراي جاراتقان، ءارى وزەلدىڭ شولپاندىق جولى دا وسى رەتكى الەمدىك فۋتبول ساۋىتىنا تالاسۋ جارىسىنان باستالعان. الەمدىك فۋتبول ساۋىتىنا تالاسۋ جارىسىنان كەيىن، ول رەال مادريد كومانداسىنىڭ نەگىزگى مۇشەلەرىنىڭ ءبىرى بولىپ تاڭدالدى. وزەل رەال مادريد كومانداسىنا ۋاكىل رەتىندە قاتىناسقان 3 ماۋسىمدىق يسپانيا بىرلەسپە جارىسىندا، ءار ماۋسىم سايىن كوماندانىڭ جاردەم دوپ جاساۋ شەبەرى بولىپ، 86 رەت جاساعان جاردەم دوبىمەن، ەۆروپاداعى بەس ۇلكەن بىرلەسپە جارىستاعى شەبەرلەردىڭ ىشىندە ءبىرىنشى ورىندى يەلەدى، اۋەلى دەسەڭىز بارسەلوناداعى مەسسيدىڭ 80 جاردەم دوبى مەن چەلسي كومانداسىنداعى ماتانىڭ 66 جاردەم دوبىنان اسىپ تۇستى، ءارى ەۆروپاداعى بەس ۇلكەن بىرلەسپە جارىستاعى ءارى رەت قاقپاعا دوپ سالۋ ورايىن جاراتۋدا ۋاقىتى ەڭ قىسقا، ەڭ تەز فۋتبولشى بولىپ، 22.1 مينۋتتا ءبىر رەت وراي جاراتىپ وتىرعان.

　　بيىلعى ماۋسىمدا، ارسەنەل كومانداسى 50 ميلليون ەۆرومەن وزەلدى ارسەنال كومانداسىنا جوتكەپ الىپ كەلدى، ەكى جاقتىڭ كەلىسىمگە وتىرعان ۋاقىتى 5 جىل بولىپ، وزەلدىڭ اپتالىق كىرىسى 130 مىڭ فۋندسترلينگ بولدى، ءارى ول ارسەنال تاريحىنداعى ەڭ قىمبات فۋتبول شولپانى بولدى.

　　وزەلدىڭ ەكى ارمانى بار ەكەن، ول كاسىپتە ءوزىنىڭ تابىناتىن ادامى، فرانسيانىڭ بۇرىنعى مەملەكەتتىك قۇراماسىنىڭ مۇشەسى زيدانە سياقتى فۋتبول ەگەيى بولىپ، گەرمانيا كومانداسىنا فۋتبولدان الەمدىك ساۋىتتى الىپ بەرۋ، ەندى ءبىر ارمانى قورا-ءجاي ساۋداگەرى بولۋ، ونىڭ بۇرىنعى كوپتەگەن مۇعالىمدارى مەن جاتتىقتىرۋشىلارى وزەلدىڭ وسى ارماندارىن ىسكە اسىرا الاتىنىنا سەنىمى كامىل ەكەنىن ايتقان، ويتكەنى ونىڭ ۇستازدارىنىڭ وعان بەرگەن باعاسى: «وزەل يراداسى وتە مىعىم جىگىت، ءار ناتيجەگە قول جەتكىزۋدە ونىڭ وزىندىك جوسپارى بار ءارى ونى ىسكە اسىرۋدا بار قۇلشىنىسن سالادى»،-دەيدى.

　　كەلۋ قاينارى: حالىق تورابى