بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

837 وقۋشىعا ساقشى كيىمىن كيىندىرىپ، بەلگىلەمەگە قايشى قۇرىلىستاردى زورلىقپەن شاعۋعا قاتىناستىرعان

جارىم كۇنگە 80 يۋاننان اقى بەرگەن

2013.10.18 13:13   كەلۋ قاينارى : حالىق تورابى



  12-قازاندا گۇيياڭ قالاسى گۋانشانحۋ رايوندىق بەلگىلەمەگە قايشى قۇرىلىستاردى شەكتەۋ جانە شاعۋعا جەتەكشىلىك ەتۋ كەڭسەسى 2500 ادامدى جينحۋا قالاشىعى شاڭپۋ قىستاعى كۇڭشان توسپاسىنا بارىپ، بەلگىلەمەگە قايشى 54 قۇرىلىستى شاعۋعا ۇيىمداستىرعان. 837 وقۋشىنىڭ قاتىناسقانى انىقتالعان.

  كەشە گۇيياڭ قالالىق حالىق ۇكىمەتىنەن الىنعان حابارعا قاراعاندا، گۇيياڭ قالاسى گۋانشانحۋ رايوندىق پارتكوم ساياسي-زاڭ كوميتەتىنىڭ شۋجيى، رايوندىق بەلگىلەمەگە قايشى قۇرىلىستاردى شەكتەۋ جانە شاعۋعا جەتەكشىلىك ەتۋ كەڭسەسىنىڭ باستىعى ليۋ گۋاڭشياڭ قاتارلى كادرلار قاتىستى احۋالداردى تولىق انىقتاماي تۇرىپ ،جالعان مالىمەت جاريالاندىقتان 17-قازاندا قىزمەتىنەن قالدىرىلعان. اتالعان كەڭسەنىڭ قاتىستى جاۋاپتىلارى جۇرتشىلىقتان كەشىرىم سۇراعان.

  جۋىردا توردوستار گۇيياڭ قالاسى گۋانشانحۋ رايونىنىڭ بەلگىلەمەگە قايشى قۇرىلىستاردى شاعۋ بارىسىندا سول جەردەگى «گۇيجوۋ اۆياتسيا ونەركاسىبى تەحنيك تاربيەلەۋ ينيستيتۋتىنىڭ» وقۋشىلارىنا ەرەكشە ساقشىلار كيەتىن قارا كيىمدى زورلىقپەن كيىندىرىپ، ولاردى بەلگىلەمەگە قايشى قۇرىلستاردى زورلىقپەن شاعۋعا قاتىناستىرعانىن اشكەرەلەگەن. گۋانشانحۋ رايوندىق ساياسي-زاڭ كوميتەتى بۇل ءىستى تەكسەرگەننەن كەيىن، «12-قازاندا بەلگىلەمەگە قايشى قۇرىلىستاردى زورلىقپەن شاعۋعا قاتىناسقانداردىڭ بارلىعى ۇكىمەت قىزمەتكەرلەرى، سول وڭىردەگى اماندىق قورعاۋ سەرىكتىكتەرىنىڭ قىزمەتكەرلەرى جانە بەلگىلەمەگە قايشى قۇرىلىستاردى شاعۋ جۇمىسىمەن شۇعىلداناتىن جۇمىسكەرلەر، بۇل ىسكە وقۋشىلار قاتىناسپادى» دەپ مالىمدەگەن، ءارى قاتىستى تاراۋلار ارقىلى مالىمەت جاريالاپ، بۇل ءىستى جۇرتشىلىققا تۇسىندىرگەن.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 
جاۋاپتى رەداكتورى : نۇرعيسا قۇرمانجان ۇلى

 سۋرەت