كەشە لوندوننىڭ قالا باستىعى بوريس جونسون بەيجيڭدەگى مەترو 1-لەنياسىنا وتىرىپ كورىپ، ادامنىڭ كوپتىگىنە، بەلەت باعاسىنىڭ ارزاندىعىنا تاڭداندى.
انگليانىڭ ساياسي ساحناسىندا بوريستىڭ باتىلدىعىمەن، باۋىرمالدىعىمەن اتى شىققان. ەكونوميكا-ساۋدا ۇيىرمەسىن باستاپ جۇڭگودا ساپاردا جۇرگەن بوريس 15-قازان ساعات 35 : 15دە شيدان بەكەتىنە كەلىپ، بەيجيڭ مەتروسى 1-لەنياسىنا وتىرىپ كوردى.
بەيجيڭ مەتروسى «نەتكەن تازا» دەپ ماقتادى
كەشە تۇستەن كەيىن بوريستىڭ مەتروعا وتىرۋى جۇرگىنشىلەردىڭ نازارىن اۋداردى.
بوريس شينجيڭ گازەتىنىڭ تىلشىلەرىنە: «بەيجيڭ مەتروسىنا وتىرىپ كورۋدى بۇرىننان-اق ويلاپ جۇرگەنمىن»،-دەدى جىلدام سويلەپ: «2006-جىلى، 2008-جىلى بەيجيڭگە كەلگەنمىن، ءبىراق مەتروعا وتىرۋعا وراي بولماعان ەدى».
وسىنى ايتىپ بولعاننان كەيىن ول مەترونىڭ ىشىنە كوز جىبەرىپ، انگليالىقتاردىڭ اۋەنىمەن: «كەرەمەت ەكەن! نەتكەن تازا!»،-دەدى. ىلە-شالا تىلشىدەن: «بەلەت باعاسى قانشا؟»،-دەپ سۇرادى. بەلەت باعاسى 2 يۋان ەكەنىن ەستىگەننەن كەيىن: «نەتكەن ارزان»،-دەدى.