ءبىر جىگىت جالىنتاۋدا قۇلاما قۇزداعى قۋىسقا قامالىپ ەكى كۇن، ءبىر ءتۇن تۇرعان

2013.10.21 13:45   كەلۋ قاينارى : حالىق تورابى

　　ءتىلشىنىڭ 20-قازان تاڭ سارىدە تۇرپان ءورت ءوشىرۋ بولىمشە اترەتىنەن ۇعىسۋىنشا، 19-قازان ساعات 14 اينالاسىندا اتالعان اترەت ءبىر جىگىتتىڭ تۇرپانداعى جالىنتاۋدا قۇلاما قۇزداعى قۋىسقا قامالىپ قالعانى، جاعدايدىڭ شۇعىل ەكەنى تۋرالى مالىمەتتى تاپسىرىپ العان.

　　قۇتقارۋشى قىزمەتكەرلەر سول اراعا بارعاندا ،قامالىپ قالعان ادامنىڭ 30 مەتر بيىكتىكتە تۇرعانىن بايقاعان، جەر ويلى-شۇڭقىر بولعاندىقتان، جەل بوستەكتى جايۋعا قولايسىز بولعان، ءورت ءوشىرۋ اترەتىنىڭ بيىككە كوتەرۋ ماشيناسى دا جالاما قۇزدىڭ تۇبىنە بارا الماعان، جاعدايدان حابارى بارلار ولارعا بۇل جىگىتتىڭ ءبىر سوتكەدەن بەرى ءنار تاتپاعانىن، ايتپاق ويىن دا انىق جەتكىزە الماعانىن ايتقان.

　　جەر جاعدايىن باقىلاپ كورگەننەن كەيىن، ءورت ءوشىرۋ اترەتىندەگىلەر ەتەكتەن تاۋ باسىنا جاياۋ شىعىپ، قامالىپ قالعان ادامدى سول ارادان قۇتقارماق بولادى. ەكى ساعات دەگەندە ولار تاۋدىڭ باسىنا جەتكەن، الايدا بەتكەي وتە تىگىل بولعاندىقتان، جوعارىدان تومەنگە ارقانمەن سىرعىپ تۇسۋگە تۋرا كەلگەن، وسى بارىستا شاعىل-تاستار تومەنگە قاراي قۇلاپ، كەي جاۋىنگەرلەردىڭ بىلەگى مەن تىزەسىن تاس ءتىلىپ كەتسە دە، بار قايراتىن جۇمساپ، قامالىپ قالعان جىگىتتىڭ جوعارعى جاعىنا جەتەدى، الايدا ولار جەتكەن ورىن مەن قامالعان ادامنىڭ ارالىعىندا جىرا بار بولعاندىقتان، قۇتقارۋعا مۇلدە مۇمكىندىك بولماي، ولار بۇرىنعى ورىنعا قايتىپ ورالعان.

　　ساعات 18دە اتالعان اترەتتىڭ باسشىلىق شتابىنداعىلار ءىس تۋىلعان جەرگە كەلىپ، سول اراداعى قۇرىلىس اترەتىمەن حابارلاسىپ، قۇرىلىس جۇمىسشىلارى قۇلاما جاردىڭ ورتاسىنداعى قۋىسقا تۇعىر جاساۋ ارقىلى 30 مەتر بيىكتىككە كوتەرىلمەك بولادى، وسىنداي قۇلشىنىستاردىڭ ارقاسىندا ،2 كۇن ،ءبىر ءتۇن قامالعان بۇل جىگىت امان-ساۋ قۇتقارىلعان.

　　كەلۋ قاينارى: حالىق تورابى