13 كۇن بويى قيان-كەسكى وتكىزىلگەن بوكستان الەم چەمپيوناتى 26-قازاندا قازاقستاننىڭ الماتى قالاسىندا اياقتادى، سول كۇنى سالتاناتتى سيلىق تاراتۋ سالتى وتكىزىلدى. قازاقستان كومانداسى ءوز الاڭدارىندا قارا ءۇزىپ العا شىعىپ، 4 التىن، 2 كۇمىس، 2 قولا مەدال الدى. كۋبا كومانداسى 2 التىن، 2 كۇمىس، ءبىر قولا مەدالمەن 2-ورىندى قاناعات تۇتتى، ازەربايجان كومانداسى 2 التىن، ءبىر قولا مەدالمەن 3-ورىنعا تابان تىرەدى. رەسەي كومانداسى ءبىر التىن 2 كۇمىس، ءبىر قولا مەدالمەن 4-ورىنعا جايعاستى، يتاليا كومانداسى ءبىر التىن مەدال، 2 قولا مەدال الدى. برازيليا، يرلانديا، وزبەكستان كوماندالارى ءبىر كۇمىس جانە ءبىر قولا مەدالدان الدى. الجيريا كومانداسى 1 كۇمىس مەدال الدى، گەرمانيا كومانداسىنىڭ قورجىنىنا 2 قولا مەدال ءتۇستى. انگليا، ارگەنتينا، ۆەنەسۋەلا، كوستا-ريكا، موڭعۇليا، تايلاند، ۋكراينا جانە ۆەلس بىردەن قولا مەدالعا يە بولدى. شينحۋا اگەنتتىگىنىڭ ءتىلشىسى يليانا فوتوسى
كەلۋ قاينارى: حالىق تورابى