رەسەيدە ۇشاق شىرعالاڭى تۋىلىپ، ۇشاقتاعى 50 ادام تۇگەل قازا بولدى

2013.11.18 13:49   كەلۋ قاينارى : حالىق تورابى

　　حالىق تورابىنىڭ ءتىلشىسى لين شۋەدان 17 - قاراشادا ماسكەۋدەن حابارلايدى. جەرگىلىكتى ۋاقىت بويىنشا 17 - قاراشا كەشكى ساعات 7 دەن 25 مينۋتتا ماسكەۋدەن قازانعا ۇشقان بويىن 500 - 737 تۇرپاتتى جولاۋشىلار ۇشاعىنان قوناتىن كەزدە شىرعالاڭ تۋىلىپ، ۇشاقتاعى 50 ادام تۇگەل قازا بولدى.

　　رەسەي فەدەراتسيالىق تاتارستان شۇعىل جاعدايلار ءبولىمى شىرعالاڭ تۋىلعان ۇشاق تاتارستان اۋە قاتىناس سەرىكتىگىنىڭ ماسكەۋدەن قازانعا ۇشاتىن 363 – ءنومىرلى كەزەكشى ۇشاعى ەكەندىگىن مالىمدەدى. ۇشاق قازان حالىقارالىق اۋەجايىنا قوناتىن كەزدە ابايسىزدا شىرعالاڭعا ۇشىرادى، ءارى پارتىلاپ ءورت كەتتى. ۇشاقتاعى 44 جولاۋشى مەن 6 ۇشاق قىزمەتكەرى تۇگەل قازا بولدى. باستاپقى تەكسەرۋ ناتيجەسىنە قاراعاندا، شىرعالاڭ ۇشقىشتىڭ ۇشاقتى مەڭگەرۋىندەگى قاتەلىگىنەن تۋىلعان بولۋى مۇمكىن دەلىنگەن. رەسەي فەدەراتسيالىق اۋە تاسىمال مەكەمەسى ۇشاق ءبىرىنشى رەت قونا الماي، ەكىنشى رەت قونعاندا ۇشاقتىڭ تۇمسىعى سىرعىما جولعا سوعىلعاندىقتان ۇشاق پارتىلاپ شىرعالاڭ تۋىلدى دەدى. قازىر ءورت ءوشىرىلىپ، قازان حالىقارالىق اۋەجايى ۇشاق قونۋ - سىرعۋ جولىن جاۋىپ تاستادى، تەكسەرۋشىلەر ناق مايداندا تەكسەرۋ جۇرگىزۋدە.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى