مەملەكەت بويىنشا ۇكىمەت قىزمەتكەرلەرىن قابىلداۋ ەمتيحانىنا ءبىر ميلليون 520 مىڭ ادام قاتىناستى

2013.11.25 12:56   كەلۋ قاينارى : حالىق تورابى

　　24 - قاراشادا 2014 - جىلعى مەملەكەت ورگاندارىنا ۇكىمەت قىزمەتكەرلەرىن قابىلداۋ ەمتيحانى باستالدى، ءبىر ميلليون 520 مىڭ ادام جازباشا ەمتيحانعا قاتىناستى، بيىل مەملەكەت ورگاندارىنا 11729 قىزمەتكەر قابىلدانادى، مولشەرمەن ءبىر ورىنعا 130 ادام ۇمىتتەنىپ وتىر. 2013 - جىلداعىمەن سالىستىرعاندا، 2014 - جىلى مەملەكەت ورگاندارىنا ەمتيحان ارقىلى قابىلداناتىن ادام سانى 1000 ادام شاماسىندا كەمەيدى، تىزىمدەۋ ۋاقىتى دا بۇرىنعىدان ءبىر كۇن ازايدى، الايدا، جۇرتتىڭ قىزعىندىلىعى بۇرىنعىدان تيتتەي دە كەمەيگەن جوق. 2014 - جىلعى مەملەكەت ورگاندارىنا قىزمەتكەر قابىلداۋدا ەمتيحان بەرۋگە تىزىمدەلگەن ادام سانى ەڭ كوپ ورىن مەملەكەتتىك ۇلتتىق ىستەر كوميتەتىنىڭ ەكى قىزمەتكەر قابىلداماقشى بولعان «زەرتتەۋ ءبىرىنشى باسقارماسىنىڭ مەڭگەرۋشى قىزمەتكەرى مەن ودان تومەن دارەجەلى قىزمەتكەرى» ورنى بولدى، بۇل ەكى ورىنعا نەشە مىڭ ادامنان ءبىر ادام قابىلدانادى. 2012 - جىلعى مەملەكەت ورگاندارىنا قىزمەتكەر قابىلداۋ ەمتيحانىنىڭ تىزىمدەلۋ ساتىسىندا، مەملەكەتتىك ۇلتتىق ىستەر كوميتەتى 1015 تىڭ 1گە قاتىناسىنداي سالىستىرمامەن وسى جىلعى تىزىمدەلگەن ادام سانى ەڭ كوپ ورىن بولعان، سول كەزدە وسى كوميتەتتەگى ءبىر قىزمەتكەر قابىلداناتىن ورىنعا 4000 ادام تالاسقان. كاسىپ كولەمىنىڭ كەڭ، تالاپتىڭ تومەن بولۋى تىزىمدەلۋشىلەردىڭ بەلگىلى كاسىپكە كوپتەپ شوعىرلانۋىنىڭ نەگىزگى سەبەبى.

　　ءتىلشىنىڭ ۇعىسۋىنا قاراعاندا 2014 - جىلعى مەملەكەت ورگاندارىنا قىزمەتكەر قابىلداۋ ەمتيحانىنىڭ تىزىمدەلۋ ۋاقىتى اياقتاعان كەزدە جالپى 106 ورىنعا ەشكىم تىزىمدەلمەگەن نەمەسە تولىمدىلىق تەكسەرۋدە ەشكىم وتپەگەن. بۇلاردىڭ كوپ بولەگى ەرەكشە كاسىپتەگى ورىندار، مىسالى، قامسىزداندىرۋدى باقىلاۋ كوميتەتى، بانكە سالاسىن باقىلاۋ كوميتەتىندەگى ورىندار.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى