بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

اپات الدىندا ءبىر جەڭنەن قول، ءبىر جاعادان باس شىعاردى

2013.11.28 14:36   كەلۋ قاينارى : حالىق تورابى



  اۋدان ورتالىعىنداعى گاۋحار ءزىمىن اسحاناسى اپات تۋىلعان جەردەگى بۇقاراعا تۇسكى تاماق اكەلىپ، بۇقاراعا مەيىر باعىشتادى.

  ەرىكتى تىلشى قارقىنبەك ىنتىماق ۇلى حابارلايدى.17 - قاراشا ساعات 17دەن 30 مينۋت وتكەندە، التاي ايماعى قابا اۋدانىنداعى شينجياڭ شينحۋا جىلىبۇلاق سۋ ەلەكتر ستانسياسىندا اعىستى بۇرۋ اۋزىن بەكىتكەن تيەك مەڭگەرۋ بەرمەي قاتەرلى جاعداي تۋىلىپ، توسپاداعى سۋ اعىتىلىپ، قابا وزەنى اڭعارىنداعى كولباي، شىبار، جايىلما اۋىلدىقتارىنىڭ 20عا تارتا قىستاقتارىنداعى 7000عا جۋىق بۇقاراعا حاۋىپ ءتوندىرىپ، بۇرىن بولىپ كورىلمەگەن اۋىر دارەجەدەگى سۋ اپاتى بولدى. اپات تۋىلا سالىسىمەن، جەرگىلىكتى ۇكىمەت بارلىق كۇشتى اتتانىسقا كەلتىرىپ، قاتەرگە ۇشىراعان جۇرتشىلىقتى اپات رايوننان بۇكىلدەي كوشىرگەندىكتەن، ءولىم-جىتىم جارالانۋ احۋالى بولمادى.

  اپات تۋىلعاننان كەيىن، التاي ايماقتىق پارتكوم، اكىمشىلىك مەكەمەسى بۇل رەتكى اپاتقا بارىنشا نازار اۋدارىپ، ايماق باسشىلارى دەر كەزىندە اپات تۋىلعان رايونعا كەلىپ، اپاتقا قارسى تۇرۋ شارالارىنا نۇسقاۋشىلىق ەتتى.

  ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر بۇل رەتكى سۋ اپاتتان حابار تاپقاننان كەيىن، اپاتتان قۇتقارۋ قىزمەتىنە ماڭىزدى نۇسقاۋ بەرىپ، جەرگىلىكتى پارتكوم، حالىق ۇكىمەتى اپاتتان قۇتقارۋ شارالارىن ماڭىزدى قىزمەت رەتىندە قاراپ، بارلىق كۇشتى شوعىرلاندىرىپ، حالىق جۇرتشىلىعىنىڭ باس اماندىعى مەن مال - مۇلىك حاۋىپسىزدىگىنە بارىنشا كوڭىل ءبولۋدى تاپسىردى. اۆتونوميالى رايوندىق مال شارۋاشىلىق مەڭگەرمەسى، سۋ ىستەرى مەڭگەرمەسىنىڭ قاتىستى باسشىلارى دەر كەزىندە اپات تۋىلعان رايونعا كەلىپ، اپات جاعدايىنا نۇسقاۋشىلىق ەتتى.

  ايماقتىق پارتكومنىڭ شۋجيى دىڭ جاڭ - ۋ ، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى دەر كەزىندە اپات تۋىلعان رايونعا كەلىپ، اپاتقا نۇسقاۋشىلىق ەتىپ، اپاتقا ۇشىراعان حالىق جۇرتشىلىعىمەن جۇزدەسىپ، اپاتقا ۇشىراعان حالىقتىڭ پارتيا مەن ۇكىمەتكە سەلبەسە وتىرىپ، ىنتىماقتاسا كۇش شىعارىپ، اپاتتان قۇتقارۋ قىزمەتىنىڭ ورنىقتى، تياناقتى جۇرگىزىلۋىنە سەلبەسۋلەرىن ءۇمىت ەتتى. قازىرگە دەيىن 1246 وتباسى، 4918 جان سانى حاۋىپسىز جەرگە ورنالاستىرىلىپ، ءولىم-جىتىم جارالانۋ احۋالى بولمادى. بارلىق كۇشتى شوعىرلاندىرىپ، اپاتتان قۇتقارۋ ىستەرىنە جەرگىلىكتى ورىنداعى شەكارا قورعانىسى قارۋلى ءبولىمى مەن قوعام حاۋىپسىزدىگى حالىق جاساقتارىن، ءارقايسى مەكەمە، ورگان كادرلارىن اتتانىسقا كەلتىرىپ، گرۋپپالارعا ءبولىپ، اپاتقا ۇشىراعان قىستاقتاردى سەميا باس سايىن ارالاپ، اپات جاعدايىن ۇعىستى. دەنساۋلىق ساقتاۋ، اۋرۋدىڭ الدىن الۋ تاراۋلارى اپات تۋىلعان رايوندارداعى بۇقارانىڭ دەنساۋلىعىن دەر كەزىندە تەكسەرىپ وتىردى. بۇلىنگەن جول، كوپىر بولىكتەرىن جوندەپ، قاتىناستى قالىپنا كەلتىردى. كورپە، شاتىر، تاماق، ءدارى - دارمەك قاتارلى زاتتىق كومەك بۇيىمداردى دەر كەزىندە اپات تۋىلعان رايونعا جەتكىزدى. اپاتتان قۇتقارۋ جۇمىستارى جالعاستى جۇرگزىلۋدە.

  اپات تۋىلعاننان كەيىن، قوعامداعى جاناشىر جاندار بارىنشا كوڭىل ءبولىپ، قولدارىنان كەلگەن كومەكتەرىن ايامادى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 
جاۋاپتى رەداكتورى : نۇرعيسا قۇرمانجان ۇلى

 سۋرەت