وڭتۇستىك افريكا بۇرىنعى زۇڭتۇڭ ماندەلاعا ارناپ ازا ءبىلدىرۋ قيمىلىن وتكىزدى

شامامەن 100 مىڭ حالىق جاۋىنعا قاراماي ازا ءبىلدىرۋ قيمىلىنا قاتىناستى

2013.12.11 15:25   كەلۋ قاينارى : حالىق تورابى

　　10 - جەلتوقساندا وڭتۇستىك افريكانىڭ يوحاننەسبۋرگ قالاسىندا وڭتۇستىك افريكا حالقى جاۋىنعا قاراماي بۇرىنعى زۇڭتۇڭ ماندەلاعا ارنالعان ازا ءبىلدىرۋ قيمىلىنا قاتىناستى. وڭتۇستىك افريكانىڭ بۇرىنعى زۇڭتۇڭى ماندەلاعا ارنالعان ازا ءبىلدىرۋ جينالىسى 10 – جەلتوقساندا يوحاننەسبۋرگ قالاسىنداعى FNB دەنە تاربيە الاڭىندا سالتاناتتى وتكىزىلدى، جۇزدەگەن ەلباسى، ۇكىمەت باسشىسى جانە 100 مىڭعا تارتا وڭتۇستىك افريكا حالقى جاڭبىرعا قاراماي ازا ءبىلدىرۋ قيمىلىنا قاتىناستى. شينحۋا اگەنتتىگىنىڭ ءتىلشىسى جاڭ چىن فوتوسى

　　 ماندەلا، ءسىز ءۇشىن ءتاڭىر دە كوز جاسىن كولدەتتى

　　شينحۋ تورابىنىڭ 10 - جەلتوقساندا يوحاننەسبۋرگتەن بەرگەن حابارى. 10 - جەلتوقساندا يوحاننەسبۋرگ قالاسىنىڭ اسپانىن قارا بۇلت تورلاپ، جاڭبىر تولاستامادى، وڭتۇستىك افريكانىڭ بۇرىنعى زۇڭتۇڭى ماندەلاعا ارنالعان ازا ءبىلدىرۋ قيمىلى وتكىزىلىپ جاتقان FNB دەنە تاربيە الاڭى اۋىر قايعىدان قابىرعاسى قايىسىپ تۇرعانداي ەدى.

　　FNB دەنە تاربيە الاڭىنا بارار جولدا، ازا ءبىلدىرۋ سالتىنا قاتىناساتىن جەرگىلىكتى تۇرعىنداردىڭ قاتارىنا قوسىلعان ءتىلشى «كوك شىبىق مەزگىلىندە جاڭبىر قۇيىپ، جۇرت كەلەدى قابىرعاسى قايىسىپ» دەگەن بايىرعى ولەڭ جولدارىن ەسىنە الدى.

　　ماندەلاعا ازا ءبىلدىرۋ قيمىلىنا قاتىناسۋعا بارا جاتقان جۇرت بىرتىندەپ جينالا باستادى، دەنە تاربيە الاڭىنا جەتۋگە از قالعاندا، الدە بىرەۋ ىڭىلداپ ءان سالىپ ەدى جۇرت وعان قوسىلا كەتتى، جۇرت افريكانىڭ بايىرعى اۋەنىندەگى انگە ىلەسە بىركەلكى العا جۇردى. ءبىر جەرگىلىكتى تۇرعىن شينحۋا اگەنتتىگىنىڭ تىلشىسىنە ءان ماتىنىنىڭ ۇزىن ىرعاسى «قايعىنى قايراتقا اينالدىرىپ، ۇزدىكسىز اتويلاپ العا باسۋ»،-دەپ ءتۇسىندىردى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى