چاڭ - ى 3 - ءنومىرلى بارلاۋ اسپابىنىڭ قونۋ جانە شارلاۋ اپپاراتتارى ءساتتى تۇردە ءبىرىن ءبىرى سۋرەتكە الدى

بەس جۇلدىزدى قىزىل تۋ اي بەتىندە جەلبىرەدى

2013.12.16 14:11   كەلۋ قاينارى : حالىق تورابى

　　15 - جەلتوقسان كەشتە اي شارىندا عىلمي بارلاۋ جۇمىسىن جۇرگىزىپ جاتقان چاڭ - ى 3 - ءنومىرلى بارلاۋ اسپابىنىڭ قونۋ جانە شارلاۋ اپپاراتتارى ءبىرىن - ءبىرى سۋرەتكە الۋ سىناعىن وتكىزىپ، ءساتتى تۇردە ءبىرىن ءبىرىن سۋرەتكە الىپ، مىندەتىن ءساتتى ورىندادى. ەندىگى بىرنەشە كۇندە عىلمي بارلاۋ جۇرگىزۋمەن بىرگە يۇيتۋ اتتى اي كولىگى ايدا قونۋ اپاراتىن اينالىپ ءجۇرىپ، ءبىرىن - ءبىرى سۋرەتكە الادى. سۋرەتتە: بەيجيڭ عارىشقا ۇشۋدى مەڭگەرۋ ورتالىعىنىڭ ەكرانىندا چاڭ - ى 3 - ءنومىرلى بارلاۋ اسپابىنىڭ قونۋ اپپاراتىنداعى فوتو اپپارات تارتقان يۇيتۋ اتتى اي كولىگى. سۋرەتتى شينحۋا اگەنتتىگى بەرگەن

　　شينحۋا تورابىنىڭ 15 - جەلتوقساندا بەيجيڭنەن بەرگەن حابارى. اي بەتىندە تۇڭعىش رەت جەلبىرەگەن بەس جۇلدىزدى قىزىل تۋ 15 - جەلتوقسان كەشتە تىكەلەي ەفيردە كورەرمەنمەن جۇزدەستى. جۇڭگو اي شارىن بارلاۋ ينجەنەرياسىنىڭ باس قولباسشىسى ما شيڭرۇي چاڭ - ى 3 - ءنومىرلى بارلاۋ اسپابىنىڭ مىندەتى ءساتتى ورىندالدى دەپ جاريالادى.

　　جۇڭگونىڭ اي كولىگىنەن الىنعان بۇل سۋرەتتى سول كۇنى ودان بولىنگەن قونۋ اپپاراتى كەسكىنگە العان بولاتىن. ساعات 23تە جۇرگىزىلگەن تۇڭعىش رەتكى ءبىرىن ءبىرى سۋرەتكە الۋ سىناعىندا قونۋ اپپاراتى مەن اي كولىگى ءوز فوتو اپپاراتتارىمەن ءبىرىن - ءبىرى كەسكىنگە الدى.

　　سۋرەتتەن قاراعاندا، ايدىڭ دوعا وڭىرىندەگى مالتا تاس پەن توزاڭ باسقان بەتىندە قونۋ اپپاراتى كۇن نۇرىندا جارقىراپ تۇر، اي كولىگىنىڭ توسىندەگى جەلبىرەگەن بەس جۇلدىزدى قىزىلتۋ ەرەكشە كوز تارتادى. (ءتىلشى: باي شۋەرۇي، جاۋ ۋي، لي شۋانلياڭ)

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى