مەركەل گەرمانيانىڭ زۇڭليلىعىنا جالعاستى تاعايىندالدى

2013.12.18 13:57   كەلۋ قاينارى : حالىق تورابى

　　17 ـ قىركۇيەكتە گەرمانيانىڭ بەرلين پارلامەنت سارايىندا مەركەل (وڭدا) گۇل قابىلداۋدا. گەرمانيا فەدەراتسيالىق پارلامەنتى سول كۇنى داۋىس بەرۋ ارقىلى زۇڭلي سايلاۋىن وتكىزدى، مەركەل جاڭا كەزەكتى فەدەراتسيالىق ۇكىمەتتىڭ زۇڭليلىعىنا جالعاستى تاعايىندالدى. شينحۋا اگەنتتىگىنىڭ ءتىلشىسى جاڭ فان فوتوسى.

　　شينحۋا تورابىنىڭ 17 ـ جەلتوقساندا بەرليننەن بەرگەن حابارى. گەرمانيانىڭ زۇڭليى مەركەل 17 ـ جەلتوقساندا جاڭا كەزەكتى فەدەراتسيالىق ۇكىمەتتىڭ زۇڭليلىعىنا جالعاستى تاعايىندالدى.

　　گەرمانيا فەدەراتسيالىق پارلامەنتى سول كۇنى داۋىس بەرۋ ارقىلى زۇڭلي سايلاۋىن وتكىزدى. فەدەراتسيالىق پارلامەنتتىڭ ءتوراعاسى لامەرت جاسىرىن داۋىس بەرۋ اقىرلاسقاننان كەيىن بىلاي دەپ جاريالادى: حريىستان دەموكراتيالىق وداعىنىڭ ءتوراعاسى مەركەل جالپى 621 كۇشكە يە داۋىستان 462 داۋىسقا يە بولىپ، داۋىس سانى زاڭدا بەلگىلەنگەن ساننان اسىپ، جالعاستى مىندەت وتەيدى. 150 پارلامەنت مۇشەسى قارسى داۋىس بەردى، 9 ادام قالىس قالدى. مەركەل سوڭىنان سايلام ناتيجەسىن قابىلدايتىندىعىن جاريالادى.

　　گەرمانيا زۇڭتۇڭى گاۋك 17 ـ جەلتوقسان تۇستە بەرليندەگى زۇڭتۇڭ سارايىندا مەركەلگە تاعايىنداما كۋالىگىن تابىس ەتتى. سودان كەيىن مەركەل فەدەراتسيالىق پارلامەنتكە قايتىپ، مىندەتكە وتىرعاندىعىن جاريالادى. (تىلشىلەر: شاڭ جيڭ، گو شينيۇي)

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى