بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

كۇنەس اۋداندىق 1- ورتا مەكتەپ «مادەنيەت اپتالىعى» جەلىلەس قيمىلى

2013.12.20 11:00   كەلۋ قاينارى : حالىق تورابى



  حالىق تورابىنىڭ قازاشا ارناسى حابارلايدى. مەكتەپ اۋلا مادەنيەتىن جانداندىرىپ، وقۋشىلاردىڭ عىلمي بىلىمدەردى جۇيەلى ۇيرەنۋىنە كەپىلدىك ەتۋمەن قاتار ولاردىڭ ءوز ارتىقشىلىقتارىن ساۋلەلەندىرۋىنە قولايلى ورتا جاراتىپ، ساپا اعارتۋىنىڭ تالابىنا ساي سەگىز قىرلى ءبىر سىرلى، عىلىم مەن مادەنيەتتەن تەڭ جەتىلگەن ساپالى ۇرپاق تاربيەلەۋدى كوزدە ۇستاعان كۇنەس اۋداندىق 1-ورتا مەكتەپ باسشىلىق ۇيىمىنداعى دابىرباي ءبايدىلدا ۇلى، ءارىپقان شاكەن ۇلى قاتارلى جولداستاردىڭ باس بولىپ قولداپ-قۋاتتاۋى جانە ىبىراي جۇماقادىر ۇلى، سەرجان جۇماي ۇلى قاتارلى ۇرپاق تاربيەلەۋ جولىندا ۇنسىز ۇلەس قوسىپ، ۇلت مادەنيەتىن ۇلاعاتتاۋدىڭ تۋىن تىگىپ جۇرگەن ۇلت جاندى ازاماتتاردىڭ جۇيەلى ورنالاستىرۋ جاساپ، ايدان استام ۋاقىت مۇقيات دايىندىق جاساۋىمەن جەلتوقسان ايىنىڭ 9-جۇلدىزىنان باستالعان كۇنەس اۋداندىق 1-ورتا مەكتەپ «مادەنيەت اپتالىعى» جەلىلەس قيمىلدارى ءوز مارەسىنە جەتىپ تابىسپەن اياقتالدى.

  قيمىل جالپى 7 ۇلكەن تاقىرىپتا جەكە-جەكە الىپ بارىلىپ ءارقايسى قيمىل ءوز ەرەكشەلىگىمەن كورەرەمەننىڭ كوڭىلىنەن شىقتى. بۇنداعى قيمىلدار 9-جەلتوقسان وتانشىلدىق قوزعالىسىنىڭ 78 جىلدىعىن ەسكە تۇسىرۋگە ارنالعان حور ايتۋ جارىسى، ءاشىم دۇڭشى ۇلىنىڭ تۋىلعانىنا 117 جىل تولۋ بايلانىسىمەن وتكىزىلگەن تۇڭعىش كەزەكتى «كۇي كۇمبىرى»اتىنداعى كۇي جارىسى، ورتا مەكتەپ وقۋشىلارىنىڭ تۇڭعىش كەزەكتى ءداستۇرلى اندەر جارىسى، «جاعانى ۇرعان جاس تولقىن» اتىنداعى وقۋشىلاردىڭ 6- كەزەكتى جىر مۇشايراسى، «ءتۇپ-توركىن» قازاقى ەتنوگرافيالىق كورمەسى، ەر وقىتۋشىلاردىڭ فۋتبول جارىسى قاتارلىلار بولىپ، بۇلاردىڭ ىشىندە «ءتۇپ-توركىن» قازاقى ەتنوگرافيالىق كورمەسى قازاق ۇلتىنىڭ تۇرمىس-سالت ءداستۇرى، اڭشىلىق، ساياتشىلىق ونەرى، استرونوميالىق بولجامدارى، كوشى-قون مادەنيەتى، ءبي جانە مۋزىكا ونەرى قاتارلى جالپى 31 ۇلكەن تاقىرىپتا ءارقايسى كلاس وزدەرىنە بولىنگەن كورگىزبە تاقىرىبى بويىنشا مۇقيات دايىندىق كورىپ، كورمە ۇيىمداستىرعان، كورمە جالپى ءبىر كۇنگە جالعاسىپ، كورگىزبە ارقىلى وشكىندەپ بارا جاتقان سالت داستۇرلەرىمىزدى ۇرپاقتار جۇرەگىنە ۇيالاتىپ، ولاردىڭ ۇلتتىق رۋحىن شىڭدادى.

  كۇنەس اۋداندىق ماەنيەت دەنە-تاربيە مەكەمەسىنىڭ باستىعى ەلشات اعامىز قيمىلدى تاماشالاپ جاقسى باعاسىن بەردى. سوڭىنان باعالاۋشىلار قوسىنى جاعىنان باعالاۋ تارماقتارى بويىنشا ءنومىر قويىپ باعالاۋ الىپ بارىلدى. وقۋشىلاردىڭ جىر مۇشايراسى دا قىزۋ مەرەيمەن وتكىزىلدى، ىلە وبىلىسىنا قاراستى تەكەس، شاپشال، نىلقى، مۇڭعۇلكورە قاتارلى اۋدانداردان كەلگەن شاباندوزداردا قاتىسقان بۇل قيمىلدا شاباندوزدار ءوز كوكىرەكتەرىندە تۋلاعان سەزىم تولقىندارىن ولەڭ سوزبەن ورنەكتەپ كورەرمەندەردىڭ قىزۋ قارسى الۋىنا بولەندى، قيمىلعا بەلگىلى اقىن جازۋشى داۋكەن سۇلتان ۇلى، كۇنەس 1-ورتا مەكتەبىنىڭ بەلدى ادەبيەت وقىتۋشىسى، ساتيرالىق اڭگىمە جازىپ تاڭجارىق تورابىندا كورەرمەندەردىڭ قارسى الۋىنا بولەنىپ جۇرگەن تالانتتى جازۋشى نۇربەك تالەن ۇلى قاتارلى جولداستار باعالاۋشىلىققا ۇسىنىس ەتىلىپ ءادىل باعالاۋ جۇرگىزدى.

  كۇنەس 1-ورتا مەكتەبىنىڭ بۇل رەتكى مادەنيەت اپتالىعى جەلىلەس قيمىلدارى مەكتەپ ۇيىمىنىڭ مۇقيات ورنالاستىرۋ جاساپ، ءارقايسى بولىمدەردىڭ تىعىز سايكەسۋىمەن ءساتتى الىپ بارىلدى، قيمىلدىڭ باستى ماقساتى دا وقۋشىعا ءبىلىم عانا ەمەس، ونەرىن دامىتۋدىڭ دا التىن بەسىگى بولعان ورتا مەكتەپ داۋىرىندە، جاس وسپىرىمدەردىڭ ونەر ساپارىنا اق جول تىلەپ، تالابىن ۇشتاپ، تالانىتىن بايقاۋ، ەرتەڭگى بولاشاقتىڭ يەگەرلەرىنە ءبىر توپ ونەر سۇيگىش، ۇلت جاندى جارامدى ازاماتتاردى تاربيەلەۋ بولماق. حاباردى جازعان: جۇماننۇر رامازان ۇلى (كۇنەس اۋداندىق 1 - ورتا مەكتەپ)

   كۇي جانە ءداستۇرلى ءان ورىنداۋ جارىسىنان كورىنىس

   «مادەنيەت اپتالىعى» جەلىلەس قيمىلدارىنىڭ قيىقتارى

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 【23】 【24】 【25】 【26】 【27】 【28】 【29】 【30】 
【31】 【32】 【33】 【34】 【35】 【36】 【37】 【38】 
جاۋاپتى رەداكتورى : مۇحيت امانتاي ۇلى

 سۋرەت