فرانسيا دۇنيە ءجۇزى بويىنشا تۇڭعىش رەت ماڭگىلىك جاساندى جۇرەكتى كوشىرۋ وپەراتسياسىن جاسادى

2013.12.24 13:45   كەلۋ قاينارى : حالىق تورابى

　　جەرگىلىكتى ۋاقىت 2013 – جىلى 21 – جەلتوقسان، فرانسيانىڭ پاريج قالاسى، جورج – پومپيدو ەۆروپا شيپاحاناسىنىڭ شيپاگەرلىك زەرتتەۋ گرۋپپاسى تۇڭعىش رەت جاساندى جۇرەكتى كوشىرۋ وپەراتسياسىنىڭ كلينيكالىق سىناعىن ءساتتى ورىندادى. Liewig Christian

　　فرانسيا اقپارات اگەنتتىگىنىڭ حابارلاۋىنشا، فرانسياداعى ءبىر شيپاحانا 20 – جەلتوقساندا دۇنيە ءجۇزى بويىنشا تۇڭعىش رەت ماڭگىلىك جاساندى جۇرەكتى كوشىرۋ وپەراتسياسىن ءساتتى جاساعان. بۇل اۋىر جۇرەك ناۋقاسىنا شالدىققان سان مىڭداعان ناۋقاستارعا شەكسىز ءۇمىت باعىشتادى.

　　حاباردا ايتىلۋىنشا، 20 – جەلتوقساندا پاريجداعى پومپيدو ەۆروپا شيپاحاناسىندا (HEGP) ەمدەلىپ جاتقان 75 جاستاعى ەر ادامعا ماڭگىلىك جاساندى جۇرەك ءساتتى كوشىرىلگەن. بۇل وپەراتسياعا 16 ادامنان ۇيىمداسقان ەمدەۋ گرۋپپاسى قاتىناسقان.

　　فرانسيا زۇڭتۇڭى حوللاندە ەمدەۋ گرۋپپاسىنا قۇتتىقتاۋ حاتىن جولداپ، ادامزاتتىڭ العا باسۋى جونىنەن العاندا ەرەكشە ماڭىز الاتىن بۇل ناتيجە فرانسيالىقتاردىڭ ماقتانىشى ەكەنىن بىلدىرگەن.

　　كەلۋ قاينارى: حالىق تورابى