شينجياڭ جولبارىستار قوسىنى لاڭكەستىككە قارسى جاتتىعۋ جاسادى

2013.12.25 11:14   كەلۋ قاينارى : ءتاڭىرتاۋ تورابى

　　23-جەلتوقسان ساعات 14تە جاتتىعۋ مايدانىندا قالالىق قوعام حاۋىپسىزدىك توتەنشە ساقشى 8-بولىمشەسى 110 قولباسشىلىق كەڭسەسىنىڭ بۇيرىعىن تاپسىرىپ الدى. ەكى قاراقشى قانقۇيلىلىق ەتكەننەن كەيىن قاشىپ كەتكەن، توتەنشە ساقشى 8-بولىمشەسىنىڭ باستىعى گۋ حايجۇن جاۋاپتى بولىپ لاڭكەستىككە قارسى تۇرىپ تىنشتىقتى قورعاۋ، دۇربەلەڭنەن ساقتانۋ، شۇعىل جاعدايدى ءبىرجايلى ەتۋدەگى جولبارىستار قوسىنىنىڭ ەكپىندىلەر شوعىرىن دەرەۋ اتتانىسقا كەلتىرىپ جولىن توسىپ، ۇستاپ اكەلۋگە ورنالاستىرۋ جاسادى.

　　ساعات 14تەن 10 مينۋتتا، حۋا-ىرگۋدەگى ءبىر اينالمادا ەكى ساۋىتتى اۆتوموبيل كۇماندى كولىكتىڭ الدى-ارتىنان بوگەپ، اۆتوكولىكتەگى ەكى قاراقشى كولىكتەن ءتۇسىپ قاشىپ كەتپەكشى ەدى، بىرنەشە كۇمپىل مىلتىق داۋىسىمەن ىلەسە قاراقشىلاردى قولعا ءتۇسىردى.

　　گۋ حايجۇننىڭ ايتۋىنشا، 2013-جىلى قاراشا ايىنان باستاپ، قىس مەزگىلىندىك كولەمدى اسكەري جاتتىعۋ قيمىلى ورىستەتىلىپ، توتەنشە ساقشى 8-بولىمشەسى بۇل رەتكى لاڭكەستىككەن قارسى جاتتىعۋدى لايىقتى ۋاقىت تاڭداپ وتكىزگەن، ولاردىڭ ماقساتى قوسىندى شىنىقتىرىپ، توتەنشە ساقشىلاردىڭ شۇعىل جاعدايعا توتەپ بەرۋ مەن ءوزارا سايكەسۋ قابىلەتىن جوعارىلاتۋ.