گۋاڭدۇڭنان شياڭگاڭعا تۇتاساسىن جەر استى اتكەزشىلىك جولى بايقالدى

2013.12.26 13:58   كەلۋ قاينارى : حالىق تورابى

　　24 – جەلتوقسان، شەكارا قورعانىس كوماندير – جاۋىنگەرلەرى شىنجىن مەن شياڭگاڭنىڭ شەكارالاسقان جەرىندەگى چاڭليڭ قىستاعىندا جەر استى جولىن قازۋعا ىستەتىلگەن جابدىقتاردى ءبىرجاقتىلى ەتۋدە. سول كۇنى گۋاڭدۇڭ ولكەلىك شەكارا قورعانىس 6 – بولىمشە اترەتى شياڭگاڭمەن شەكارالاسقان جەردەگى داگۋليڭ ساقشى جاعىمەن بىرلىكتە شىنجىن مەن شياڭگاڭنىڭ شەكارالاسقان جەرىندەگى چاڭليڭ قىستاعىنان اتكەزشىلىككە ىستەتىلەتىن جەر استى جولىن انىقتاعان جانە بۇل جولدى جاپقان. بۇل جەر استى جولى ءبىر تۇرعىندار عيماراتىنىڭ اۆتوكولىك قويماسىنان باستالعان، ءالى قازىلۋ ۇستىندە، ۇزىندىعى 40 مەتر، كەڭدىگى 80 سانتيمەتر، بيىكتىگى ءبىر مەتر؛ ىشىنە جارىقتاندىرۋ قۇرىلعىلارى، جەر وتكىزۋ تۇتىگى جانە اتكەزشىلىككە پايدالانىلاتىن كىشكەنە اربا، رەلىس، ارقان، سىرعىما دوڭگەلەك قاتارلىلار تۇگەل دايىندالعان. شەكارا قورعانىس كوماندير – جاۋىنگەرلەرى 19 – جەلتوقساندا بۇل جولدى بايقاپ، دەلوعا قاتىستى زاتتاردى دەرەۋ تەكسەرىپ جيناپ العان جانە تۇرعىندار عيماراتىنىڭ مەنشىك يەسىن قولعا العان. شينحۋا اگەنتتىگى (ۋاڭ شۇي)

　　كەلۋ قاينارى: حالىق تورابى