حالىق گازەتى سارالاپ شىققان 2013 ـ جىلعى ەل ىشىندەگى 10 ءىرى حابار(4)

2013.12.30 16:26  

　　25 ـ قازاندا بو شيلاي دەلوسى جونىندەگى ەكىنشى رەتكى سوت جيناندا سوت ۇكىمىن جاريالادى، شاندۇڭ ولكەلىك جوعارى دارەجەلى حالىق سوت مەكەمەسى ءبىرىنشى سوتتاعى مەرزىمسىز قاماۋ ۇكىمىنىڭ ساقتالاتىندىعى جونىندە كەسىم جاسادى. شينحۋا اگەنتتىگىنىڭ حابارى

　　4. بو شيلايدىڭ دەلوسىنا اشىق سوت جۇرگىزىلدى

　　22 - تامىزدان 26 – تامىزعا دەيىن بو شيلايدىڭ پارا الۋ، قيانات جاساۋ، ۇقىعىنان الباتى پايدالانۋ دەلوسىنا شاندۇڭ ولكەسى جينان قالالىق ورتا دارەجەلى حالىق سوت مەكەمەسى ءبىرىنشى اشىق سوت جۇرگىزدى، جينان قالالىق ورتا دارەجەلى حالىق سوت مەكەمەسى ميكرو بلوگ ارقىلى سوت بارىسىن توتە تاراتتى. 25 – قازاندا شاندۇڭ ولكەلىك جوعارى دارەجەلى حالىق سوت مەكەمەسى سوڭعى ۇكىم شىعارىپ بوشيلايعا مەرزىمسىز قاماۋ جازاسىن كەسىپ، ساياسي ۇقىعىنان ماڭگى ماحرۇم ەتۋ، وعان قوسا جەكە مال - مۇلكىن تۇگەل ءمۇسادىرالاۋ ۇكىمىن شىعاردى. 18 – قۇرىلتايدان بەرى پارتيا ورتالىق كوميتەتى ءىرىپ – شىرۋگە قارسى تۇرۋ تەبىنىن كۇشەيتىپ، «جوعارىداعىلار» مەن «تومەندەگىلەرگە» قوسا سوققى بەرۋدى باسا دارىپتەدى، ورتالىق ءتارتىپ تەكسەرۋ كوميتەتى مەن باقىلاۋ مينيسترلىگى اشكەرەلەۋ توراپ بەكەتىن اشتى، ءىرىپ – شىرۋگە قارسى تۇرۋ مەحانيزىمى ۇزدىكسىز جاڭالانىپ كەلەدى. ءبىر جىلدان بەرى ليۋ تيەنان، جياڭ جيەمين، لي دۇڭشىڭ قاتارلى ولكە – مينيستر دارەجەلى باسشى كادرلار تارتىپكە، زاڭعا قايشىلىق جاساۋ كۇمانىمەن تەكسەرۋگە الىندى.