حالىق گازەتى سارالاپ شىققان 2013 ـ جىلعى ەل ىشىندەگى 10 ءىرى حابار(5)

2013.12.30 16:26  

　　14 ـ جەلتوقساندا لياۋنيڭ ولكەسى شينياڭ قالاسى شىنحاي جىلۋ ەلەكتر ستانسياسى وزىق تەحنيكا ەنگىزىپ، ءۇش ءىرى پار قازاننىڭءتۇتىندى گاز سيستەماسىنىڭ كۇكىرتتى ايىرۋ، شاڭ ـ توزاڭدى جوعالتۋ بولەگىن جاڭالادى. جاڭ ۋىنكۇي فوتوسى

　　5. «اتموسفەرانىڭ لاستانۋىنىڭ الدىن الۋ جانە لاستانۋدى جونگە سالۋ قيمىل جوسپارى» جاريالاندى

　　12 – قىركۇيەكتە مەملەكەتتىك كەڭەس «اتموسفەرانىڭ لاستانۋىنىڭ الدىن الۋ جانە لاستانۋدى جونگە سالۋ قيمىل جوسپارىن» جاريالاپ، لاستىڭ شىعارىلۋىن ازايتۋ، شارۋاشىلىق قۇرىلىمىن رەتكە سالۋ جانە ساپالىلاندىرۋ، جالپى حالىقتى اتسالىسۋعا جۇمىلدىرۋ قاتارلى 10 جاقتان 35 ءتۇرلى شارا ۇسىنىپ، 2017 – جىلدان بۇرىنعى اتموسفەرانىڭ لاستانۋىنىڭ الدىن الۋ جانە لاستانۋدى جونگە سالۋدىڭ ەگجەي – تەگجەيلى جوباسىن ۇسىندى. ورتالىق قازىنا توزاڭدى اۋا رايى اۋىر بولىپ وتىرعان بەيجيڭ، تيانجين، حىبەي، ىشكى موڭعۇل، سانشي، شاندۇڭ قاتارلى 6 ولكە مەن اۆتونوميالى رايوننىڭ اتموسفەرانىڭ لاستانۋىنىڭ الدىن الۋ مەن لاستانۋدى جونگە سالۋىنا 5 ميلليارد يۋان بوساتتى. ۇستەگى جىلدان بەرى بۇكىل ەل بويىنشا توزاڭدى اۋا رايلى كۇن ورتا ەسەپپەن 29.9 كۇن بولىپ، قالىپتى جىلداردىڭ ۇقساس مەزگىلىنە قاراعاندا 10.3 كۇن كوپ بولىپ وتىر، بۇل 1961 – جىلدان بەرى ۇقساس مەزگىلدەگىدەن ەڭ كوپ جىل بولدى. اۋانىڭ لاستانۋى اۋىرلاپ كەلەدى، قوعامنىڭ ءار سالاسى بۇعان بارىنشا نازار اۋدارىپ وتىر، اتموسفەرانىڭ لاستانۋىنىڭ الدىن الۋ جانە لاستانۋدى جونگە سالۋ ءار دارەجەلى ۇكىمەتتەردىڭ تۇراقتى قيمىلىنا اينالىپ كەلەدى.