حالىق گازەتى سارالاپ شىققان 2013 ـ جىلعى ەل ىشىندەگى 10 ءىرى حابار(7)

2013.12.30 16:26  

　　21 ـ قاراشادا شاندۇڭ ولكەسى مىڭيىن ۋادانى تانفۋ قالاشىعى مۇلىك ۇقىعىءتۇزىمى رەفورماسى گرۋپپاسىنداعى قىزمەتكەرلەر قىستاقتاعى مۇلىك ۇقىعى ءتۇزىمى رەفورماسى قىزمەتى بارىسىنداعى ماتەريالداردى رەتتەپ، قورتىندىلاپ، ارحيۆ تۇرعىزدى. شينحۋا اگەنتتىگىنىڭ حابارى

　　7. ءۇشىنشى جالپى ماجىلىستە رەفورمانى جالپى بەتتىك ىشكەرىلەي جۇرگىزۋ جونىندەگى قاۋلى قابىلداندى

　　9 – قاراشادان 12 – قاراشاعا دەيىن جۇڭگو كوممۋنيستىك پارتياسى 18 – كەزەكتى ورتالىق كوميتەتىنىڭ ءۇشىنشى جالپى ءماجىلىسى بەيجىڭدە اشىلدى. جالپى ءماجىلىس «جۇڭگو كوممۋنيستىك پارتياسىنىڭ رەفورمانى جالپى بەتتىك ىشكەرىلەي جۇرگىزۋ جونىندەگى ءبىرقانشا كەلەلى ماسەلە تۋرالى قاۋلىسىن» قاراپ قابىلداپ، پارتيا 18 - قۇرىلتايىنان بەرگى ورتالىق ساياسي بيۋروسىنىڭ قىزمەتىن تولىق تۇراقتاندىردى. جالپى ماجىلىستە مىنالار اتاپ كورسەتىلدى: رەفورمانى جالپى بەتتىك ىشكەرىلەي جۇرگىزۋدىڭ باس نىساناسى جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتىڭ باسقارۋ جۇيەسى مەن باسقارۋ قۋاتىنىڭ وسىزاماندانۋىن جەبەۋ. جالپى ءماجىلىس رەفورمانى جالپى بەتتىك ىشكەرىلەي جۇرگىزۋ جونىندە جۇيەلى ورنالاستىرۋ جاساپ، 2020 - جىلعا دەيىن ماڭىزدى سالالار مەن شەشۋشى بۋىندارداعى رەفورمالاردا كەلەلى تابىستارعا قول جەتكىزىپ، جۇيەسى كەمەلدى، عىلمي، ارناعا تۇسكەن، اينالىمى ءونىمدى ءتۇزىم جۇيەسىن قالىپتاستىرىپ، ءارقايسى جاقتاعى تۇزىمدەردى اناعۇرلىم كەمەلدەندىرۋ جانە تۇلعالاندىرۋ تالاپ ەتىلدى.