حالىق گازەتى مەن جۇڭگو حالىقارالىق راديو ستانسياسى بىرلەسىپ 2013 – جىلعى حالىقارالىق 10 ءىرى حاباردى سارالاپ شىقتى(4)

2013.12.31 15:18  

　　7 - شىلدەدە ەگيپەت بۇقاراسى مورسيگە قارسى جينالىس وتكىزدى.

　　4. ەگيپەت جاڭا كەزەكتى ساياسي داعدارىسقا ۇشىرادى

　　مۇسىلمان باۋىرلاستار قوعامى ەندى زاڭسىز ۇيىم بولدى

　　30 - ماۋسىمدا ەگيپەتتىڭ بۇرىنعى زۇڭتۇڭى مورسي بيلىك جۇرگىزگەنىنە ءبىر جىل تولعان كەزدە، ونى قولداۋشىلار مەن وعان قارسى توپ اراسىندا قاقتىعىس تۋىلىپ، كوپتەگەن ادام جارالاندى جانە قازا بولدى. 1 - شىلدەدە ارميا جاق 48 ساعاتتىق اقتىق كەسەتپە جاريالاپ، ەكى جاقتىڭ قاقتىعىستى توقتاتۋىن تالاپ ەتتى. 3 - شىلدەدە ارميا جاق جاعدايدى مەڭگەرە الماۋدى سىلتاۋراتىپ، مورسيدى زۇڭتۇڭدىق مىندەتىنەن الىپ تاستاپ، ەڭ جوعارى نەگىزگى زاڭ سوت مەكەمەسىنىڭ باستىعى زۇڭتۇڭنىڭ قىزمەت مىندەتىن ۋاقىتشا اتقاراتىن بولدى ءارى «بولاشاق باعدارلاماسىن» جاريالاپ ساياسي وتپەلى كەزەڭگە وتتى. 14 - تامىزدا ەگيپەت ساقشى جاعى كايرو مەن گيزاداعى مورسيدى قولداۋشىلار بازاسىنا تازالاۋ جۇرگىزدى ءارى بۇكىل ەلدىڭ ءبىر ايلىق شۇعىل جاعدايعا وتەتىندىگىن جاريالادى، 12 ولكەدە كەشتە ءجۇرىپ ـ تۇرۋعا تيىم سالدى. تازالاۋ قيمىلى مەن ودان كەيىنگى بۇكىل ەلدىڭ ءارقايسى جەرىندەگى قاقتىعىستان مىڭعا جۋىق ادام قازا بولدى. 12 - قىركۇيەكتە وتپەلى ۇكىمەت شۇعىل جاعداي ۋاقىتىنىڭ 2 ايعا سوزىلاتىندىعىن جاريالادى. 9 - قازاندا ەگيپەت مۇسىلمان باۋىرلاستار ۇيىمىنىڭ تىركەلگەن بەي ۇكىمەتتىك تولىمدىلىعىن كۇشىنەن قالدىردى. 25 - جەلتوقساندا ەگيپەت اكىمشىلىك كەڭسەسى مۇسىلمان باۋىرلاستار ۇيىمى مەن ونىڭ قاراستىلىعىنداعى قۇرىلمداردى لاڭكەستىك ۇيىم دەپ بەكىتۋدى ۇيعاردى.