حالىق گازەتى مەن جۇڭگو حالىقارالىق راديو ستانسياسى بىرلەسىپ 2013 – جىلعى حالىقارالىق 10 ءىرى حاباردى سارالاپ شىقتى(6)

2013.12.31 15:18  

　　3 – جەلتوقساندا WTO - دىڭ 9 – كەزەكتى مينيسترلەر جينالىسى بالي ارالىنىڭ نەۋشادەۋا جينالىس ورتالىعىندا وتكىزىلدى.

　　6. WTO الەمدىك ساۋدا كەلىسىمىن جاساستى

　　الەمدىك ەكونوميكاعا تىڭ ومىرشەڭدىك قوستى

　　7 – جەلتوقساندا الەمدىك ساۋدا ۇيىمىنىڭ 9 – كەزەكتى مينيسترلەر جينالىسى يندونەزيانىڭ بالي ارالىندا جابىلدى، تاراپتار بۇل ۇيىم قۇرىلعاننان بەرگى تۇڭعىش الەمدىك ساۋدا كەلىسىمىن جاساستى. كەلىسىم ساۋداعا قولايلىلىق جاراتۋ، اۋىل شارۋاشىلىعى، ماقتا، دامۋ سىندى ءتورت ءتۇرلى جاقتاعى 10 قۇجاتتان قۇرالىپ، كەدەننەن جانە پورتتان ءوتۋ رەسميەتتەرىن وڭايلاستىرۋ، دامۋ ۇستىندەگى مۇشە ەلدەردىڭ استىق حاۋىپسىزدىگى جاعىندا ءتىپتى دە كوپ تاڭداۋ ۇقىعى بولۋىنا رۇحسات ەتۋ، ەڭ دامىماعان مۇشە ەلدەردىڭ ساۋدانى دامىتۋىنا سەلبەسۋ قاتارلى مازمۇندار قامتىلدى. كەلىسىم جاندانىپ كەلە جاتقان الەمدىك ەكونوميكاعا تىڭ ومىرشەڭدىك قوسادى، دامۋ ۇستىندەگى مۇشە ەلدەر ودان يگىلىكتەنەتىن بولادى. دوحا باس قوسۋ كەلىسسوزى جۇڭگو دۇنيە جۇزىلىك ساۋدا ۇيىمىنا قاتىناسقاننان كەيىنگى تۇڭعىش كەزەكتى كوپ جاقتى ساۋدا كەلىسسوزى بولاتىن، جۇڭگو كەلىسسوزدىڭ شەشۋشى كەزەڭىندە سىندارلى رول اتقارىپ، ەڭ دامىماعان مۇشە ەلدەر كوڭىل ءبولىپ وتىرعان ماسەسەلەردى شەشۋ، ءتۇرلى الاۋىزدىقتاردى جويۋ، كەلىسسىمنىڭ جاسالۋىن جەبەۋ، «كەلىسسوز وتكىزۋ، جاراسىمدىلىق تابۋ، ءبىر اۋىزدىلىققا كەلۋ» جاعىندا ماندىك رول اتقاردى.