حالىق گازەتى مەن جۇڭگو حالىقارالىق راديو ستانسياسى بىرلەسىپ 2013 – جىلعى حالىقارالىق 10 ءىرى حاباردى سارالاپ شىقتى(9)

2013.12.31 15:18   كەلۋ قاينارى : حالىق تورابى

　　26 – جەلتوقساندا «يۇيتۋ» اتتى اي كولىگى اي تۇنىندە بارلىق قىزمەت باسقىشتارىن ورنالاستىرىپ بولىپ، ۇيقىعا شومدى. سۋرەتتى مەملەكەت قورعانىسىندىق عىلىم – تەحنيكا ونەركاسىبى مەكەمەسى بەرگەن

　　9 . جۇڭگو – ا ق ش – ءۇندىستان ەلدەرى عارىش زەرتتەۋ سالاسىندا جاڭا جەتىستىكتەرگە قول جەتكىزدى

　　ادامزاتتىڭ عارىشتى زەرتتەۋى تاعى دا قۋانارلىق تابىستارعا قول جەتكىزدى

　　12 – قىركۇيەكتە ا ق ش عارىشقا ۇشۋ مەكەمەسى 1977 – جىلى 5 – قىركۇيەكتە ۇشىرىلعان «ساياحاتشى 1 - ءنومىرلى» ۇشقىشسىز عارىش بارلاۋ اسپابى كۇن جۇيەسىنەن ۇشىپ شىقتى دەپ جاريالادى. بۇل قازىرگە دەيىن جەر شارىنان ەڭ شالعايداعى جاساندى سەرىك ءارى تۇڭعىش جۇلدىزدار جۇيەسى كەڭىستىگىنە كىرگەن جاساندى ۇشۋ اسپابى. 5 – قاراشادا «مانگاريان» اتتى ءۇندىستاننىڭ تۇڭعىش مارستى بارلاۋ اسپابى عارىشقا ۇشىرىلدى. 18 – قاراشادا ا ق ش – تىڭ عارىشقا ۇشۋ مەكەمەسى «مارس اتموسفەراسى جانە ونىڭ بۋعا اينالۋ بارىسىن» بارلاۋ اسپابىن ءساتتى ۇشىردى. 2 – جەلتوقساندا جۇڭگو «چاڭ – ى 3 - ءنومىرلى» بارلاۋ اسپابىن ۇشىردى، 15 – جەلتوقساندا «يۇيتۋ» اتتى اي كولىگى اي شارىنا ءساتتى قونعان سوڭ العاش رەت جۇرتپەن جۇزدەستى. جۇڭگو تۇڭعىش رەت جەر شارىنان سىرت جەردە قونۋ جانە اي شارىنا بارلاۋ جۇرگىزۋ مىندەتىن ورىندادى. ادامزاتتىڭ عارىشتى زەرتتەۋ ساپارى ماڭگى توقتامايدى.