مەملەكەت ءتوراعاسى شي جينپيڭ جاڭا جىلدى قۇتتىقتاۋ ءسوزىن جاريالادى

2014.01.03 13:43   كەلۋ قاينارى : حالىق تورابى

　　جاڭا جىل قارساڭىندا مەملەكەت ءتوراعاسى شي جينپيڭ 2014 - جىلعى جاڭا جىلدى قۇتتىقتاۋ ءسوزىن جاريالادى. شينحۋا اگەنتتىگىنىڭ ءتىلشىسى لان حۇڭگۋاڭ فوتوسى

　　شينحۋا تورابىنىڭ 31 - جەلتوقساندا بەيجيڭنەن بەرگەن حابارى. جاڭا جىل قارساڭىندا مەملەكەت ءتوراعاسى شي جينپيڭ جۇڭگو حالىقارالىق راديو ستانسياسى، ورتالىق حالىق راديو ستانسياسى، ورتالىق تەلەۆيزيا ستانسياسى ارقىلى 2014 - جىلعى جاڭا جىلدى قۇتتىقتاۋ ءسوزىن جاريالادى. ءسوزدىڭ تولىق ماتىنى مىناداي:

　　ءبىز ۇمىتكە تولى 2014 - جىلدى قارسى الۋ الدىندا تۇرمىز. جاڭا جىلدىڭ ءبىرىنشى كۇنىنەن باستاپ دۇنيە جاڭا تۇسكە ەنبەك. بۇل ارادا مەن بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى جانە اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى مۇھاجىر باۋىرلاستاردىڭ، دۇنيەدەگى ءارقايسى ەلدەردەگى، وڭىرلەردەگى دوستاردىڭ جاڭا جىلدارىنا قۇتتى بولسىن ايتامىن! قارتتارىمىزدىڭ دەنساۋلىعى مىقتى بولسىن! بالالار شاتتىققا بولەنسىن! ءاربىر وتباسى باقىتتى، امان بولسىن!

　　كونە جىلمەن قوشتاسىپ، جاڭا جىلدى قارسى الۋ ساتىندە سانسىز جۇمىسشى، ديقان، زيالىلار، كادرلار قىزمەت ورىندارىندا تاباندىلىقپەن جۇمىستارىن جالعاستىرۋدا، قىرۋار باۋىرلاستارىمىز دۇنيەنىڭ تۇكپىر – تۇكپىرىندە وتان ءۇشىن جارعاق قۇلاعى جاستىققا تيمەي قاجىرلىلىقپەن قىزمەت ىستەۋدە، كوپتەگەن حالىق ازاتتىق ارمياسى مەن قارۋلى ساقشى كومانديرلارى مەن جاۋىنگەرلەر، قوعام حاۋىپسىزدىگى ساقشىلارى داڭقتى بورىشتارىن اتقارۋ ۇستىندە. ولاردىڭ كەيبىرەۋلەرى وتاننان، جاقىندارىنان شالعايدا، كەيبىرەۋلەرى وتباسىنداعىلارمەن باس قوسا الماي وتىر. مەن وتانىمىز جانە حالقىمىز اتىنان ولارعا شىنايى سالەم جولدايمىن، ولاردىڭ امان - ەسەن، ىستەرىنىڭ ءساتتى بولۋىن تىلەيمىن!

　　2013 - جىل ەلىمىز جانە حالقىمىز جونىنەن العاندا وزگەشە جىل بولدى. ءبىز ءتۇرلى قيىنشىلىقتار مەن سىنداردى بىرلىكتە جەڭىپ، تىڭ دا كورنەكتى تابىستارعا جەتتىك. ناتيجەلەر وڭايلىقپەن قولعا كەلمەدى، وعان كوپشىلىكتىڭ قان – تەرى سىڭگەن. كوپشىلىككە شىن جۇرەكتەن العىس ايتامىن!